Պարզվում է, որ ԱԺ ֆինանսավարկային, տնտեսական եւ բյուջետային հանձնաժողովի նախագահ Վարդան Խաչատրյանը ազգանուն ունի։ Երբ ԱԺ նախագահ Կարեն Դեմիրճյանի օգնական Կարինե Դումիկյանը նրան ասել է՝ Վարդան, կարող եք ներս մտնել, վերջինս ծանուցել է, որ իր ազգանունը Խաչատրյան է։ Լավ է, որ երկրապահամետ քրիստոնյա դեմոկրատը, թեեւ ոչ այնքան հազվագյուտ, բայց ազգանուն ունի։
ՎԱՏ ԼՈՒՐ
Եվ երեկ էլ հերթական անգամ «Ար» հեռուստաընկերության լրագրողական որեւէ արժանիքով այդ իրավունքը չվաստակած ինքնագոհ «Մամուլի խոսնակ»-ավարուհին զրպարտեց «Առավոտին»՝ մեր հրապարակած լուրերը առանց որեւէ հիմքի որակելով բամբասանք։ Եվ երեկ էլ «Առավոտը» մերժեց հրապարակել «Ար»-ի ղեկավարի դեմ մի հերթական (այս անգամ՝ Վ. Վարդանյանի) հոդվածը, որ գրված էր հեգնական եւ թունոտ տոնով։ Ահա այսքան տարբեր են քննադատության որակի եւ լրագրողական պարկեշտության սահմանների վերաբերյալ մեր եւ «Ար»-ի պատկերացումները։
