Ըստ որոշ տեղեկությունների, լուծարվել է ՀՅԴ Ավանի «Համազասպ» կոմիտեն, որին նախընտրական ծախսերի համար 18 հազար դոլար էր հատկացվել, բայց նպատակին ընդամենը 1500-ն էր ծառայել՝ մնացածը յուրացվել էր։
ԲՈԼՈՐ ՆԱԽԿԻՆՆԵՐԸ՝ ՖՐԱՆՍԻԱՅԻ ՀՈՎԱՆՈՒ ՆԵՐՔՈ
Առողջապահության նախկին նախարար Արա Բաբլոյանն այժմ Հայաստանում Ֆրանսիայի դեսպանության բժիշկ-խորհրդատուն է։ Այսու, Հրանտ Բագրատյանից, Վահան Փափազյանից բացի՝ եւս մի նախկին է աշխատատեղ գտել ֆրանսիացիների շնորհիվ։ Չնայած Արա Բաբլոյանն առանց այն էլ անգործ չէ՝ արյան փոխներարկման ինստիտուտի ղեկավարն է նաեւ։
Կարդացեք նաև
ԴՈՒ ԷԼ ՄԻ ԲԱՐԻ ՊՏՈՒՂԸ ՉԵՍ
Տեղեկություններ են հասել «Առավոտ», որ հարցաքննության են կանչվել նաեւ Աջափնյակում թաղապետի թեկնածու Արծրուն Խաչատրյանի կողմնակիցները՝ իրենց թեկնածուի գլխավորությամբ։
ՔԱՅԼ ԴԵՊԻ Ա՞Ժ
ԼՂՀ վարչապետ Ա. Դանիելյանի վերջին որոշմամբ Կարեն Օլեգի Եսայանը (ԱԺ նախագահի որդին) նշանակվել է Լեռնային Ղարաբաղի հարկային պետական վարչության պետի տեղակալ։ Կառավարությունը դրանով իսկ ժեստ արեց դեպի Ազգային ժողով։ Իսկ ինչպիսի՞ն կլինի առաջիկայում Ազգային ժողովի առաջին քայլը։
ՄԵՐ ԿՈՂՄԻՑ՝ ԼԵՈՆԱՐԴԸ
Հուլիսի 19-20 կիեւում տեղի կունենա հայ-ուկրաինական տնտեսական համագործակցության միջկառավարական հանձնաժողցովի առաջին նիստը: Հայկական կողմից հանձնաժողովը ղեկավարում է Լեոնարդ Պետրոսյանը: Իսկ հուլիսի 22-ին Ուկրայինայի վարչապետ Պուստովոյտենկոն կժամանի Երեւան:
