Հուլիսի 10-ին Ռոբերտ Քոչարյանը պաշտպանության նախարար Վաղարշակ Հարությունյանի, ՆԳ նախարար Սուրեն Աբրահամյանի եւ գեներալ Արկադի Տեր-Թադեւոսյանի հետ ԼՂՀ էր ժամանել։ Ստեփանակերտի հասարակայնության հետ հանդիպման ժամանակ Հայաստանի նախագահը նշել էր, թե առկա խնդիրներն ավելի հեշտ կկարգավորվեն, քան ենթադրվում էր։ Նաեւ ակնարկել էր, որ ներքաղաքական վեճը հնարավոր է կարգավորել զինված ուժերի համակարգում կառուցվածքային փոփոխություններ իրագործելու եղանակով։
ՎԱՏ ԼՈՒՐ
«Եթե անդրադառնալու լինեինք «Առավոտի» հրապարակումներին՝ ստիպված էինք լինելու առավոտից գիշեր ձեր թերթին պատասխաններ գրել»,- ՀՅԴ Հայաստանի ԳՄ անդամ Գեղամ Մանուկյանի այս մեղադրանքը կուլ տալով (մայիսի 30-ից հետո հին ընկերներին անդրադառնալու պատճառներ չկան) շարունակեցինք հետաքրքրվել, թե արդյոք իրենք չե՞ն պարզել իրենց ղեկավարի՝ Վահան Հովհաննիսյանի «Պապլավոկում» կրակելու դրդապատճառները։ Գեղամ Մանուկյանն աներեր էր. «Առավոտի» փաստերի հիման վրա հետաքննությունն չենք անում»։ ՀՅԴ-ն միայն ուրիշներին վերաբերող հանգամանքներն է հետաքննում եւ դրանց քննադատությամբ ու դատապարտմամբ հանդես գալիս։
