Գարեգին Ա Վեհափառ Հայրապետի հոգեճաշի արարողությանը, որը տեղի է ունեցել հուլիսի 8-ի երեկոյան՝ ով ասես հրավիրված էր, բայց Ազգային ժողովի նախկին ղեկավարությունն այս առումով անհարգալից վերաբերմունքի էր արժանացել։ Տեր-Պետրոսյանի հետ հեռացած թիմից ընդամենը Բաբկեն Արարքցյանն էր, որ հոգեճաշի հրավեր էր ստացել։ Նույն հրավիրատոմսից ստացել էր նաեւ Հայաստանի առաջին նախագահը։
ԿԱԴՐԱՅԻՆ ԶՏՈՒՄ
Հայաստանում աշխատանքից ազատում են մարդկանց, որոնք, ըստ ամենայնի, համակրում են Սամվել Բաբայանին։ Մի քանի օր առաջ Լեոնարդ Պետրոսյանը հայտարարել է, որ աշխատանքից ազատված է հատուկ ծրագրերի պետական վարչության ղեկավար Էռնեստ Ղեւոնդյանը եւ նրա փոխարեն այդ պաշտոնին է ներկայացրել Կոնստանտին Հովհաննիսյանին։
Կարդացեք նաև
ՓՈՂ ՈՒ ԹՄՐԱՆՅՈՒԹ
Օրերս Մալաթիայի հիվանդանոցից գողություն է եղել։ Չհրկիզվող պահարանից գողացել են գումար եւ թմրանյութեր։ Գողերը վերջին պահին որոշել են հիվանդանոցի ուղեգորգերը չտանել. դրանք փաթաթել են ու այդպես էլ թողել։
ԴՐԱՆ ԷԼ ԳՈՐԾԸ ԿՀԱՍՆԻ
Երեկ «Առավոտի» ամենահավաստի լրագրող Ավետիս Բաբաջանյանը բարեխղճորեն հավաքել էր տարբեր թերթերի խմբագիրների կարծիքը՝ «Օրագրի» փակման վերաբերյալ։ Սակայն տեղի սղության պատճառով այդ նախօրոք հայտարարված նյութը տպագրվելու է երեքշաբթի օրը։
