Կառավարության հունիսի 24-ի նիստում, վերապահում անելով, թե այս խնդիրն այնքան էլ միանշանակ չէ, վարչապետ Վազգեն Սարգսյանն ասել է. «Ենթադրում եմ, թե պետք է կարգ սահմանել, որ ոչ մի նախարար պաշտոնաթողությունից հետո առնվազն 3 տարի այլ երկիր բնակության մեկնելու հնարավորություն չունենա։ Թե չէ ինչ է՝ մարդը կառավարությունում աշխատում, իմանում է բոլոր գաղտնիքներն ու երկրի տնտեսական անվտանգության նրբությունները ու մեկ էլ հանկարծ հայտնվում է արտասահմանում։ Պատահական չէ, որ արդյունաբերության մեր երկու նախկին նախարարներն այսօր արտասահմանում են ապրում։ Հրաշալի՜ կարգավորեցին արդյունաբերության խնդիրները, ծաղկեցրի՜ն երկիրը եւ իրենց ստացած դիվիդենտները վերցրին ու գնացին ապրելու արտասահման»։
ՎԱՏ ԼՈՒՐ
-Ի՞նչ վերաբերմունք ունի վարչապետն արդարադատության նախարարության միջնորդությամբ «Օրագիր» թերթի գլխավոր խմբագիր Նիկոլ Փաշինյանին իրավապահ մարմինների կողմից մեղադրանքներ ներկայացնելու փաստի նկատմամբ։
Կարդացեք նաև
«Առավոտի» այս հարցին արդարադատության նախարար Դավիթ Հարությունյանը պատասխանեց. «Այն, ինչ տեղի է ունեցել, կատարվել է օրենքի պահանջով։ Եվ ինչպես պիտի վարչապետը վերաբերվի մի մարմնի, որը կատարում է օրենքի պահանջը»։
