Կառավարության հունիսի 24-ի նիստում Վազգեն Սարգսյանը հայտարարել է. «Ես երկու եղբայր ունեմ. մեկն աշխատում է պետական տնտեսության ոլորտում, մյուսը՝ մասնավոր։ Եթե որեւէ մեկը՝ սկսած հարկային մարմիններից, վերջացրած իրավապահներով՝ փորձի նրանց նկատմամբ զիջող լինել, ես դա իմ նկատմամբ վատ վերաբերմունք կհամարեմ։ Իմացել եմ, որ «Արարատ-պահածո» գործարանը, ուր աշխատում է եղբայրս, պետությանն ունի 200 մլն դրամի վարկային պարտք։ Եվ եթե առաջինն այդ գործարանը չմարի իր պարտքերը՝ էլ ի՞նչ բարոյականությամբ պիտի մյուսներից պահանջեմ մարել պարտքերը»։
ԲԱ ՄԵՐ ՓՈՂԵՐԸ
Երեւանի կաբելի գործարանի պարզ, շարքային աշխատողները գոհ են այլեւս նախկին տնօրեն եւ ԼՂՀ վարչապետ Անուշավան Դանիելյանի գործունեությունից։ Նա կարողացել է 4 ամսում աշխատեցնել գործարանը։ Սակայն, աշխատողներն այլ դժգոհություն ունեն։ Տնօրենը խոսք էր տվել, որ հունիսի 30-ին երեք ամսվա աշխատավարձը միանգամից պիտի տա։ Սակայն այդ օրը նրան վարչապետ տվեցին։ Իսկ աշխատավարձն ուշանում է։
Կարդացեք նաև
ՅՈՒՐԻ ՎԱՐԴԱՆՅԱՆԸ ՊՐՈՌԵԿՏՈՐ Է
Հունիսի 30-ին աշխարհահռչակ ծանրորդ Յուրի Վարդանյանի հետ մեր թերթի հարցազրույցը շատերի հետաքրքրությունն է շարժել։ Ուզում են հանդիպել վերջինիս։ Ու որպեսզի մեր հեռախոսներն այլ նպատակների եւս կարողանան ծառայել, հայտնում ենք հայտնի ծանրորդի կոորդինատները։ Նա ֆիզկուլտուրայի եւ սպորտի գծով պրոռեկտորն է Երեւանում գործող Քըրք Քըրքորյանի անվան իրավատնտեսական համալսարանի, սակայն այս օրերին ԱՄՆ-ում է։ Յուրի Վարդանյանը Երեւան կվերադառնա հուլիսի 10-ից հետո։
