Չսպասելով տեղական ընտրությունների քարոզարշավի պաշտոնական մեկնարկին, «Հրազդան» տոնավաճառի տնօրեն, երկրապահ Աշոտ Աղաբաբյանը (հայտնի է Բուռնաշ մականունով) ստեղծել է Աջափնյակի թաղապետի իր նախընտրական շտաբը։ «Առավոտն» էլ, չսպասելով ընտրությունների ավարտին, շնորհավորում է թաղապետ Բուռնաշին, քանզի վստահ է, որ փողը, երկրապահ լինելու հանգամանքը եւ 95, 96, 98 թթ. ընտրությունների թափանցիկությունն ապահովելու հարուստ փորձն արդեն ապահովել են պրն Աղաբաբյանի հաղթանակը։
ԱՄՌԱՆՆ ԷԼ ՀԱՆԳՍՏԻ ԺԱՄԱՆԱԿ ՉԿԱ
Ազգային ժողովի այս գումարման պատգամավորները, հավանաբար, նախանձով են նայում նախորդ խորհրդարանի իրենց գործընկերներին։ Վերջիններս 1995 թ. ամռանը, ընտրվեցին-չընտրվեցին, անմիջապես արձակուրդ գնացին։ Իսկ «խեղճ» պրոֆեսիոնալները ստիպված են իրենց զրկել ծովափնյա հաճույքներից եւ էս շոգին-կրակին աշխատել հանուն պետության օրինաստեղծ դաշտի կատարելության։ Ինչպես տեղեկացրին ԱԺ լրատվական ծառայությունից՝ կանոնակարգի համաձայն, ամռանը նիստեր չեն գումարվի, սակայն պատգամավորները կաշխատեն մշտական հանձնաժողովներում։
Կարդացեք նաև
Սեփ. լր.
