Ըստ ամենայնի, Էդվարդ Սանդոյանը կվերադառնա այնտեղ, որտեղից եկել էր՝ Կենտրոնական բանկ, այս անգամ որպես փոխնախագահ։ Երեւանի քաղաքապետի ամենահավանական թեկնածուն Արմավիրի մարզպետ Ալբերտ Հերոյանն է։
ԵՐԿԱԹՅԱ «ԼԵԴԻ»
ԱԺ ֆինանսավարկային, բյուջետային եւ տնտեսական հարցերի հանձնաժողովի փոխնախագահ է դարձել «Եվրոստան-Ույուտով» հայտնի դարձած Մանվել Բադեյանը։ Պետաիրավական հարցերի հանձնաժողովի փոխնախագահը Վիկտոր Դալլաքյանն է։ Բայց ամենաշատը բերել է Վահան Հովհաննիսյանի բախտը, քանի որ պաշտպանության, ԱԱ եւ ՆԳ հանձնաժողովում իր տեղակալը Հակոբ Հակոբյանն է («Լեդի» Հակոբ)։
Կարդացեք նաև
ՀՆԳԱՄՅԱԿԸ՝ ՉՈՐՍ ՏԱՐՈՒՄ
Մեր խմբագրություն զանգահարեց մի խա
նութպան եւ տեղեկացրեց, որ հարկային մուտքեր ապահովելու նպատակով տեսուչները կրկին պարտադրում են վաղօրոք մուծել պետական հարկերն ու տուրքերը։ Նա պնդում էր, որ հաստատագրված վճար մուծող կրպակատերերին ստիպում են վճարել առաջիկա 20 ամսվա վարձը։ Վերջին անգամ նման գործելակերպ կիրառվել էր 2 տարի առաջ, երբ անհրաժեշտ էր կատարել կիսամյա բյուջեն։
ՆՈՐ ԳՈՐԾ՝ ՀԻՆ ՄԱՍՆԱԳԻՏՈՒԹՅԱՄԲ
«Հայաստան» համահայկական հիմնադրամի նախկին գործադիր տնօրեն Մանուշակ Պետրոսյանը հիմնել է շինարարական աշխատանքների կազմակերպման եւ իրականացման մի ընկերություն՝ «Սպեկտրում» անունով։ Հիմքում դրված են հիմնադրամի գործունեության սկզբունքները։ Այնպես, որ տիկին Մանուշակի հեղինակային իրավունքները պաշտպանված են։
