«Մենք ամե՛ն բան կանենք, որ երկրի կյանքում, տնտեսության եւ բարոյականության մեջ էական փոփոխություններ տեղի ունենան»,- խոստացավ Վազգեն Սարգսյանը ԱԺ հունիսի 19-ի նիստում, երբ սպասվածի պես պարզ դարձավ, որ կառավարությանն անվստահություն հայտնելու նախագիծ չի ներկայացվել։ Վարչապետի խոստմանը «Միասնության» մյուս առաջնորդը՝ ԱԺ նախագահ Կարեն Դեմիրճյանը, հավելեց. «Ինձ թվում է, որ խոսքը գործից այս հարցում բացառվա՛ծ է, որ տարբերվի՝ պետք է աշխատենք համատեղ, պետք է իմանանք, որ մեր հայրենիքի խնդիրները, մեր ժողովրդի շահն ամեն ինչից վեր է եւ ամեն ինչ անենք, որ կատարենք այն առաքելությունը, որ դրված է ներկա սերնդի, ԱԺ-ի, կառավարության եւ նախագահի վրա»։
ՎԱՏ ԼՈՒՐ
Լրագրողներից մեկն էկոնոմիկայի նախարար Արմեն Դարբինյանին հարցրեց, թե իրականությանը համապատասխանո՞ւմ են այն լուրերը, որ ֆինանսների եւ էկոնոմիկայի նախկին նախարար Էդվարդ Սանդոյանն այժմ գրավելու է իր տեղակալի պաշտոնը։ «Անկախ նրանից, թե որտեղ է ինքը, պրն Սանդոյանը մեր կառավարական թիմում է,- պատասխանեց պրն Դարբինյանը,- այն իմաստով, որ այնքան էլ շատ չեն պրոֆեսիոնալները, որ կարողանանք այսպես հեշտությամբ հրաժարվել։ Կարծում եմ, որ Սանդոյանն անպայման կգտնի իր տեղը»։
Կարդացեք նաև
Որ պրն Սանդոյանը կգտնի իր տեղը, դա լավ է։ Վատն այն է, որ նախկին վարչապետը խուսափեց ժողովրդի կողմից այդքան սիրված «արհեստավարժ» բառից։
