«Առավոտին» հայտնի էր, որ կառավարության գործունեության ծրագրի հեղինակներից մեկը Կենտրոնական բանկի նախագահ Տիգրան Սարգսյանն է եւ նա էր կառավարության նիստում հիմնականում պատասխանել ծրագրին առնչվող հարցերին։ Այնուամենայնիվ, վարչապետի մամուլի ծառայությունից ծրագրի հեղինակի վերաբերյալ մեր հարցին ի պատասխան ասացին, որ այն միասնական աշխատանքի, համատեղ քննարկումների արդյունք է եւ հեղինակային որեւէ հարց չկա։
Կարդացեք նաեւ էջ 3։
ՑԱՅՏՈՒՆ ԸՆՏՐՅԱԼՆԵՐ
Կարդացեք նաև
«Առավոտը» շարունակում է պարզել նորընտիր պատգամավորների մականունները։ Հերթական հայտնագործությունը «Միասնություն» դաշինքի ցուցակով ընտրված «Էլեկտրոճշգրիտսարք» ԲԲԸ-ի գործադիր տնօրեն Էդմունդ Ծատուրյանն էին՝ «Ցայտ» եւ թիվ 62-ի պատգամավոր Վարդեւան Գրիգորյանը՝ «Ապար» մականուններով։ ՛
Ո՞Վ Է ՀԱՋՈՐԴԸ
Ռազմիկ Մարտիրոսյանի սոցապ նախարար նշանակվելուց հետո պատգամավոր կդառնա «Ուրարտու» ՓԲԸ խորհրդի նախագահ Սամվել Գրիգորյանը, որը «Միասնության» ցուցակում գրավում է 36-րդ տեղը։
ԺԱՄԱՆԱԿՆԵՐ ԵՎ ԲԱՐՔԵՐ
Հակառակ «Առավոտի» ենթադրության, թե Դավիթ Շահնազարյանի սենյակը զբաղեցնելու է Խաչատուր Սուքիասյանը, այնտեղ այժմ «Օրինաց երկիր» խմբակցությունն է։
ՆԳՆ-ԻՑ՝ ԱՆ-ԻՆ
Կառավարության ծրագրում, որն այսօր ներկայացվելու է Ազգային ժողովին՝ գրված է, որ պատժամեկուսարանները ՆԳՆ ենթակայությունից պետք է փոխանցել արդարադատության նախարարության տնօրինության տակ, որպեսզի այս ոլորտում եւս իրականություն դառնան բարեփոխումները։ Փաստորեն, առաջ է քաշվում արդարադատության նախարարության դերը մեծացնելու խնդիրը։
