ԼՂՀ եւ Ադրբեջանի զինված ուժերի շփման գծի Մարտակերտի տեղամասում տեղի ունեցած միջադեպի կապակցությամբ ԼՂՀ ԱԳ նախարար Ն. Մելքումյանի նախաձեռնությամբ կայացավ հանդիպում ԵԱՀԿ գործող նախագահի անձնական ներկայացուցչի դաշտային օգնական Օ. Լարսենի հետ։ ԼՂՀ ԱԳ նախարարը միջադեպի իրական պատկերը ներկայացրել է Լարսենին։ Նա նաեւ հաղորդել է, որ ԼՂՀ ԱԳՆ-ն մտադիր է դիմել ԵԱՀԿ գործող նախագահին, շփման գծի վերոհիշյալ հատվածում «ճգնաժամ-դիտարկում» անցկացնելու նպատակով, անհապաղ գործող նախագահի անձնական ներկայացուցչին առաքելությամբ ուղարկել տարածաշրջան, հնարավորության դեպքում ներգրավելով Հայաստանում հավատարմագրված ԵԱՀԿ Մինսկի խմբի անդամ երկրներին, դեսպանատների ներկայացուցիչներին։
Ռ. ԻՇԽԱՆՅԱՆ,
Ստեփանակերտ
ՆԱԽԱԳԱՀԸ ՆԵՐԿԱՅԱՑՐԵՑ ՊՆ ՆԱԽԱՐԱՐԻՆ
Կարդացեք նաև
Նախագահ Ռոբերտ Քոչարյանը հունիսի 16-ին ՊՆ աշխատակազմին ներկայացրեց նոր նախարար Վաղարշակ Հարությունյանին: Բարձր գնահատելով նախկին նախարար Վազգեն Սարգսյանի գործունեությունը բանակի ստեղծման եւ կայացման գործում, Ռոբերտ Քոչարյանը նշել է, որ նա այսօր ստանձնել է ավելի բարձր պատասխանատվություն: Նախագահը վստահություն է հայտնել, որ Վազգեն Սարգսյանի կամքը, ունակություններն ու վճռականությունը հնարավորություն կտան որակական նոր աստիճանի բարձրացնել կառավարության գործունեությունը:
ԱՐՄԵՆՊՐԵՍ
