Երեկ Վանո Սիրադեղյանը դիմել է ԱԺ պետաիրավական հանձնաժողովին անդամակցելու համար։ Հաշվի առնելով, որ նրա պես Սուրեն Աբրահամյանն էլ զբաղեցրեց քաղաքապետի եւ ՆԳ նախարարի պաշտոնները, ընթացքում մեկը նկատել է. «Ուր գնում ես՝ Ջհանգիրիչը հետեւիցդ գալիս է»։ «Սենց որ գնա՝ կարող է բերդում էլ հայտնվի»,- ենթադրել է Սիրադեղյանը։
«ՄԻԿԱ-ԱՐՄԵՆԻԱՅԻ» ՕԳՏԻՆ ԴԱՏԱՎՃԻՌԸ ԲՈՂՈՔԱՐԿՎԵԼՈՒ Է
«Այս դատավճռում արհեստականորեն խիստ նեղացվել են խոսքի ազատության սահմանները, սահմանադրական այդ իրավունքի տեսակետից ահավոր հակասություն կա։ Եվ մենք որոշել ենք բողոքարկել այդ դատավճիռը վճռաբեկ դատարանում,- ասաց փաստաբան Տիգրան Ջանոյանը այն դատավճռի վերաբերյալ, որով «Օրագիրը» պիտի 25 հազար դոլար վճարի «Միկա-Արմենիային»։- Փաստորեն որոշել են, թե «Օրագրի» հերթական մի հրապարակում վնասել է «Միկա-Արմենիայի» գործարար համբավին… Ոչ մի տրամաբանական եւ իրավական մեխանիզմ այդ վնասի առաջացման հիմքում չի դրված։ Այ սա է խայտառակությունը»։
Կարդացեք նաև
Այդ դատավճռի հետեւանքների մասին կարդացեք 3-րդ էջում։
ԳՈՐԾԱՐԱՐ ԴԺԳՈՀՈՒԹՅՈՒՆ
«Միասնություն» դաշինքի ներկայացուցիչներ՝ գործարարներ Անդրանիկ Մանուկյանն ու Մանվել Բադեյանը բացասաբար են անդրադարձել նորակազմ կառավարության հատկապես տնտեսական պատասխանատուների նշանակմանը։ Պրն Բադեյանը մասնավորապես ասել է, որ դժգոհություն կա ոչ միայն ՀԺԿ-ի մեջ, այլեւ պատգամավորական շրջանակներում եւ ժողովրդի շարքերում, իսկ Անդրանիկ Մանուկյանն էլ հայտարարել է, թե Արմեն Դարբինյանի նախարար մնալով, ինքը չի կարող հույսեր կապել տնտեսական ոլորտի նախարարների հետ։
Այլ գնահատականների հետ կարող եք ծանոթանալ 2-րդ էջում։
ԱՄԵՆԱԿԱՐՈՂ ՈՒԺԵՐ
Երեկ, բացելով նոր կառավարության անդրանիկ նիստը, նախագահ Ռոբերտ Քոչարյանն ասաց. «Այսօր մենք՝ բոլորս, մեծ պատասխանատվություն ենք ստանձնել, եւ կարծում եմ, որ կարողանալու ենք երկրի առջեւ ծառացած խնդիրներին անպայմանորեն լուծումներ տալ, քանզի այսօրվա կառավարությունում ի մի են բերվել հանրապետության ամենակարող ուժերը»: Նիստից հետո կառավարության մի շարք անդամներ հակիրճ հարցազրույցներ տվեցին:
Կարդացեք էջ 11:
