Հայաստանի Դեմոկրատական կուսակցության առաջնորդը, տեսնելով, որ ժողովուրդն անցած ընտրություններում ավելի շատ է վստահել թաղային հեղինակություններին, քան իրեն, որոշեց ընդօրինակել հաղթողներին։ Երբ դիմեցինք նրան հարցազրույցի խնդրանքով, նա պատասխանեց, որ դեռ իր հարցերը չի պարզել «Առավոտի» հետ։ Պետք է ենթադրել, որ «Առավոտի» հարցերը պարզելուց հետո, նա իր հարցերը կպարզի նախագահի, վարչապետի, ԱԺ նախագահի, իր թաղի տղերքի, բենզին ծախողների, օգնություն բաժանողների հետ, եւ գուցե վերջապես պատգամավոր կնշանակվի։
ՎԱՏ ԼՈՒՐ
ԱԺՄ մի քանի գործիչներ «Առավոտի» հարցին զարմանալիորեն նույն կերպ արձագանքեցին։ Այսպես, երբ հետաքրքրվում էինք, թե ԱԺՄ-ն է՞լ է առեւտուրի մեջ մտել խորհրդարանական ղեկավարության մեջ տեղ ստանալու համար, հիշեցնում էին, թե առեւտուր կլիներ, եթե մի բան տային կամ զիջեին այդ տեղը ստանալու համար։ Իսկ մեր այն ենթադրությանը, թե գուցե «Միասնությանը» վարձահատույց էին եղել իրենց «կողմ» ձայներո՞վ, պատասխանում էին. «Բայց մի՞թե նրանք մեր ձայների կարիքն ունեին»։
Կարդացեք նաև
Վատ է, երբ ոչ ոք քո կարիքը չունի։
