Պրոֆեսիոնալ այս խորհրդարանում անհարմար էլ կլիներ, եթե «Իրավունք եւ միաբանություն» դաշինքը սեփական «կլիչկայակիրը» չունենար։ ԱԺ կրթության, գիտության, մշակույթի եւ երիտասարդության հարցերի հանձնաժողովի նախագահի աթոռին տենչացող Համլետ Հարությունյանը հավանաբար մոռացել էր իր ելույթում նշել, որ ժամանակին կրթության նախարարի խորհրդական լինելուց զուտ՝ ամբողջ կյանքում փառաբանվում է «Բառադի Համո» մականունով։
ԳՅՈՒՂԻ ՃԱՄՓԻՆ
Հունիսի 15-ին ՍԻՄ-ում, իմանալով, որ Երեւանի քաղաքապետի թեկնածուների մեջ է նաեւ Խոսրով Հարությունյանը, ասացին՝ «Եթե Խոսրովը քաղաքապետ նշանակվի, մենք կգնանք գյուղ ապրելու»։
Կարդացեք նաև
«ԵՐԵՎԱՆԸ» ՓԱԿՎՈՒՄ Է
Ըստ որոշ լուրերի՝ փակվում է «Երեւան» տեղեկատվական կենտրոնը։ Հիշեցնենք, որ կենտրոնը հիմնել է եւ նրա իմիջի վրա մեծ ազդեցություն է ունեցել ներկայումս ԱԺ պատգամավոր Աղվան Վարդանյանը։
ՏԱՊԱՆԱՔԱՐԸ ՊԱՏՐԱՍՏ Է
Նախկին քաղաքապետ Սուրեն Աբրահամյանի հանձնարարությամբ գերեզմանաքար է պատրաստվում, որպեսզի ականավոր գրող Սերո Խանզադյանի մահվան առաջին տարելիցի օրը տապանաքարը տեղադրված լինի։ Հիշեցնենք, որ տարելիցը հունիսի երրորդ տասնօրյակում է։
