Չնայած թիվ 2 ընտրատարածքից պատգամավոր է ընտրվել Հարություն Փամբուկյանը, սակայն կուսակցական ցուցակներով ԱԺ պատգամավորներ են դարձել նաեւ այս ընտրատարածքում պատգամավորության թեկնածուներ միասնական Արմեն Հակոբյանը, դաշնակցական Աղվան Վարդանյանը, իսկ «Իրավունք եւ միաբանությունից» Աղասի Արշակյանը։ Պատգամավորության թեկնածու Ավետիք Իշխանյանը ԱԺՄ ցուցակում 15-րդն էր, իսկ կոմունիստ Խորեն Սարգսյանը՝ 10-րդը։
ՎԱՏ ԼՈՒՐ
ԱԺՄ վարչությունում Դավիթ Վարդանյանի նախագահի վերահսկողության ծառայության պետի պաշտոնից հրաժարվելու եւ ԱԺ պատգամավոր դառնալու դեմ ամենակտրուկը խոսել է Ֆիլարետ Բերիկյանը։ Հայտնի է, որ Դավիթ Վարդանյանը նախընտրել է պատգամավորական մանդատը, դրանով մեր ազգին զրկելով նախագահի ապարատում ժողովրդի շահերի իրական պաշտպան ունենալուց, մյուս կողմից՝ ԱԺ-ում Ֆիլարետ Բերիկյանի նման սկզբունքային պատգամավորից։ Սակայն հայ ժողովուրդը չպետք է չափից դուրս հուսահատվի, քանի որ հնարավոր է նախարարներ նշանակվեն նաեւ ԱԺՄ-ական պատգամավորները եւ այդ դեպքում պատգամավոր կդառնա ոչ միայն Ֆիլարետ Բերիկյանը, այլ նաեւ ցուցակում հաջորդը՝ հայտնի իրավապաշտպան Վովա Հախվերդյանը։
