Ականատեսների վկայությամբ, Մալաթիա-Սեբաստիա համայնքում «Միասնության» դաշինքի ղեկավարների հետ հանդիպման ժամանակ թիվ 14 ընտրատարածքի (ցավոք՝ արդեն նախկին) թեկնածու, թիվ 191 դպրոցի տնօրեն Վահան Հակոբյանը Վազգեն Սարգսյանին դեմ առ դեմ մեղադրել էր, որ նա նախ առաջին նախագահին «ծախեց», հիմա երկրորդին է «ծախում»։ «Եթե քո մակարադակին իջնեի՝ պետք է քեզ ապտակեի»,- արձագանքել էր պաշտպանության նախարարը։ Վահան Հակոբյանն առարկել էր, որ նա անչա՜փ պիտի բարձրանա՝ իր մակարդակին հասնելու համար։ Ի դեպ, նրա մասին է Վարդգես Պետրոսյանի «Գազո՞ն, թե՞ անտառ» հոդվածը։
ԱՅՍ ՃԱԿԱՏՈՒՄ՝ ԱՌԱՆՑ ՓՈՓՈԽՈՒԹՅՈՒՆՆԵՐԻ
«Ազատություն» ռ/կ-ին տված հարցազրույցում նախագահի աշխատակազմի ղեկավար, անվտանգության խորհրդի քարտուղարի պաշտոնակատար Ալեքսան Հարությունյանն ի պատասխան այն հարցի, թե գլխավոր դատախազի փոփոխություն սպասվո՞ւմ է, ասել է. «Այդպիսի հարց չի քննարկվում»։
Կարդացեք նաև
ԻՐԱՐ ՄԱՐԴԱՎԱՐԻ ՀՐԱԺԵՇՏ ԷԼ ՉՏՎԵՑԻՆ
Անփառունակ ավարտ ունեցավ այս Ազգային ժողովը՝ վերջին եռօրյայի վերջին նիստն անգամ չկայացավ։ Գրանցվել էին խորհրդանշական քանակի՝ 33 պատգամավորներ, ինչը խաչելու ժամանակի վերաբերյալ զուգահեռների տեղիք էր տալիս։
ՆՄԱՆ ԼՈՒՐԵՐՆ ԱՆՀՆԱՐ Է ՃՇՏԵԼ
Դեռ նախընտրական շրջանում դանակահարվել, ծեծի ենթարկվել եւ այժմ հիվանդանոցում է Սեւանի «Հացամթերքների արտադրական միավորում» ԲԲԸ խորհրդի նախագահի տեղակալ Ռաֆիկ Սմբատյանի տղան։ Տարածված համոզում է, որ այս միջադեպի հետ առնչություն ուներ թիվ 44 ընտրատարածքում Ռաֆիկ Սմբատյանի հաջողակ մրցակից, Սեւանի ձկնաբուծական գործարանի նախագահ Ալեքսան Պողոսյանը՝ Լոբի Ալիկ մականունով։
