Աշխատանքային ուղղիչ հիմնարկից վերջապես տուն վերադարձավ «Հայոց ազգային կոնգրես» հասարակական-քաղաքական կազմակերպության նախագահ, Հայաստանի կոմերցիոն բանկերի ասոցիացիայի հիմնադիր, Հայաստանի ձեռնարկությունների, կոոպերատորների եւ վարձակալների հանրապետական միության նախագահ Մյասնիկ Հակոբյանը։ Մյասնիկ Հակոբյանը անկախ Հայաստանի բանտերում նստեց 6,5 տարի։ Հիշեցնենք նաեւ, որ նա 91-ին անկախ հանրապետության անդրանիկ նախագահական ընտրություններում եղել է նախագահի հավակնորդներից մեկը։
ՎԱՏ ԼՈՒՐ
Հունիսի 5-ին, ժ. 13.00-13.30-ի սահմաններում Կարմիր բլուրի գերեզմանատից դուրս գալիս դիմահար ավտոմատային կրակոցներից սպանվել է III-րդ մասում հայտնի մեկը՝ Բազարի Կյաժ մականունով (Արայիկը, 38 տարեկան)։ Նա մասնակցելիս է եղել իր ընկերոջ հորեղբոր յոթի արարողությանը։ Ըստ մեր ունեցած տեղեկությունների, ավտոմատավորը եղել է զինվորական հագուստով եւ մուգ ակնոցով։ Բազարի Կյաժը եղել է իր մեքենայի ղեկին։ Մեքենայում էին եւս երեք անձնավորություն, որոնցից ոչ ոք չի վիրավորվել։
Կարդացեք նաև
Երեկ նրա հուղարկավորությունն էր։ Կինո «Հայրենիքից» մինչեւ Գ. Նժդեհի հրապարակ փակ էին բոլոր ճանապարհները։ Ծաղկեպսակներին թիվ ու համրանք չկար։ Դրանց վրա գրված էր միայն. «Արայիկին՝ ընկերներից»։ Հուզված ժողովրդի միջից կարող էիր լսել «էս սպանությունն էլ չի բացահայտվի» եւ կամ. «Ըսենց գնում ենք մինչեւ վերջ» նախադասությունները։
