«Արդյոք խորհրդարանական ընտրություններից հետո էլ Ռոբերտ Քոչարյանի խորհրդականները մնալո՞ւ են իրենց պաշտոններում»,- «Առավոտի» այս հարցին նախագահի մամուլի քարտուղար Վահե Գաբրիելյանը պատասխանեց. «Ռոբերտ Քոչարյանը վաղուց հայտարարել է, որ ընտրություններից հետո նախագահի խորհրդականների ողջ ինստիտուտը վերաձեւավորվելու է։ Խորհրդականներն այսուհետ կլինեն զուտ մասնագիտական հատկանիշներով ընտրված եւ քաղաքականության մեջ չներգրավված անձինք։ Ներկա խորհրդականների հետ այսպիսի պայմանավորվածություն եղել է նրանց նշանակման պահից։ Այս որոշումն ընդհանրական է եւ կապ չունի այս կամ այն խորհրդականի ԱԺ պատգամավոր ընտրվելու կամ չընտրվելու հետ»։ Խորհրդականներ, go home!
ՎԱՏ ԼՈՒՐ
Հունիսի 1-ին Աշոտ Բլեյանի բանտախցում խուզարկություն է անցկացվել եւ նրանից վերցրել են բոլոր թղթերը, երեխաների՝ նրան ուղարկած նամակները եւ այլն։ Երեկ էլ որեւէ փաստաբանի թույլ չեն տվել հանդիպել իր պաշտպանյալի հետ։ Ասենք, փաստաբան Ռուբեն Սահակյանն «Առավոտին» պատմեց, որ ՆԳ եւ ԱԱ մեկուսարանի պետն արգելել է իրեն տեսակցել իր պաշտպանյալի հետ՝ վկայակոչելով նախարարությունից ստացված հրահանգը, որով նաեւ դժգոհներին առաջարկվում էր գլխավոր դատախազին դիմել։ Դրդապատճառներից մեկն էլ հենց Բլեյանին նամակներ տանել-բերելն է եղել։
Կարդացեք նաև
Հիշեցնենք, որ 95-97 թվականներին կալանավորված դաշնակցականների հոդվածները մեկուսարանից անարգել դուրս էին բերվում եւ տպագրվում մամուլում, այդ թվում նաեւ՝ մեր թերթում։
