Մայիսի 26-ին, ժամը 23.20-ի սահմաններում, հոսանքազրկվել էր ողջ Դավիթաշենը, երբ «Արմենիա» հեռուստաընկերությամբ ելույթ էր ունենում տվյալ տարածքի պատգամավորության թեկնածուներից մեկը։ «Երեւան» էլեկտրացանցի ՓԲԸ-ի գործադիր տնօրենի հրամանով մայիսի 27-ին զբաղեցրած պաշտոններից ազատվել են «Երեւան» էլեկտրացանցի Դավիթաշենի մասնաճյուղի տնօրեն Սուրեն Ասլիկյանը եւ գլխավոր ճարտարագետ Կառլեն Ղարդաշյանը։
ՎԱՏ ԼՈՒՐ
Հանգիստ սրտով կարող ենք նշել Ռաֆայել Ղազարյանի անունը, քանզի նա պատգամավորության թեկնածու չէ։ Էլի ընտրությունների նախօրեին հեռուստատեսությամբ ելույթ ունենալով, նա երեկ չխոսեց այն մասին, թե ով ում ուսերին է, այլ հայտարարեց, թե նախկին մեկգլխանի հրեշի փոխարեն այսօր բազմագլուխ… իշխանություն է. «Համարյա համոզված եմ, որ այս անգամ չեն փորձի քվեատուփերը լցնել կեղծ թերթիկների փաթեթներով։ Չեն պտտեցնի զորամասերը։ Չեն ահաբեկի, էլ չեմ ասում՝ տանկեր չեն հանի՝ կգնա կաշառք»։ Վերջինի առումով էլ ծերունի ակադեմիկոսը պատգամեց. «Էժան չվաճառվեք»։
Կարդացեք նաև
Ուրախալի է, որ պրն Ղազարյանն իր տարիքում յուրացրել է շուկայական հարաբերությունների այբուբենը՝ չկա չվաճառվող ապրանք, կան անվճարունակ գնորդներ։
