Մայիսի 25-ին հեռուստատեսությամբ ազդարարեց պատգամավորության անհայտնի թեկնածուներից մեկը։
… Սույն հայտարարության հեղինակը Միքայել Ապրեսյանն էր, որի թեկնածությունը պաշտպանում է «Սոցուժերի եւ մտավորականների միություն» դաշինքը։ Սույն պատգամավորացուն, ըստ ամենայնի, «ընտրական օրենսգրքին» բնավ ծանոթ չէր, քանզի ընտրողներին խորհուրդ տվեց թեկանածու չունենալու դեպքում ջնջել բոլորին։ Ի դեպ, եթե այդ կոչին հետեւելով էլ այդպես վարվեն՝ քվեաթերթիկն անվավեր կհայտարարվի։ Մինչդեռ հարկավոր է ընդամենը նշում անել «բոլորին դեմ եմ» արտահայտության դիմաց։
… Դարձյալ անդրադառնանք այս ելույթին, քանզի մինչ այժմ այս դաշինքին չէինք անդրադարձել, իսկ Միքայել Ապրեսյանին թերեւս այլեւս երբեք չանդրադառնանք։ Ուրեմն, այդ մտավորականը նախ ինչ-որ բաներ ասաց «գռեհիկ, տգեղ ու այլանդակ» թեկնածուների մասին, հետո այդ «նորաթուխ երիտհայերին» խորհուրդ տվեց հեռանալ Հայաստանից։ Անգամ սպառնաց, թե իրենց վերջին խոսքը շատ ծանր է լինելու։ Բայց այդպես էլ գոնե չակնարկեց, թե որոշակիորեն ո՞ւմ նկատի ուներ։
… Փոխարեն «Ազգային պետության» ներկայացուցիչ Նելլի Սողոմոնյանի խոսքի հասցեատերերն էին հստակ՝ էլի ՀՀՇ, էլի նախկին իշխանություններ։ Թերեւս ենթադրում են, որ ինչքան շատ բողոքեն Սահմանադրության ընդունումից եւ «Հանրապետություն» միավորումից, այնքան ընտրողները համոզվելու են, որ ճիշտն իրենց կուսակցությանը ձայն տա՞լն է։
