Ռոբի երազը
Կոմունիստական միջոցառումներից հոգնած եւ ուժասպառ Ռոբը տուն է գալիս, ուզում է հեռուստացույցի ալիքը փոխել եւ «Հայլուր» դիտել, բայց մայրն արգելում է, քանի որ «Նոր զոհը» բազմասերիալն էր դիտում։ Խեղճ Ռոբին ավելի ուշ եւս չի հաջողվում լուրերը դիտել, քանի որ այդ պահին մայրիկը «Սանտա-Բարբարա»-ն էր դիտում։
Հուսահատված Ռոբը քնում է եւ երազ է տեսնում։ «Երազումս Իդնին գողանում են, Սերգեյ Բադալյանը Ռոբին կանչում է իր մոտ եւ հրամայում. «Գտնել եւ վերադարձնել Իդնին»։ Ռոբը չէր կարող հրամանը չկատարել, հետո Սանատրուկի հետ գնում են Իդնին ազատելու եւ հայտնվում են Ֆիլոմենայի սենյակում։ Այստեղ, սեղանի մոտ նստած է լինում Եկատերինա Արսենեւնան. «Տեսա՞ք, Իդնին ոնց գողացան-տարան»։ Վախեցած Ռոբն արթնանում է եւ որոշում այլեւս սերիալներ չդիտել, իսկ լուրերն ու «Հայլուրն» ընդհանրապես մտքից հանել։
Մ. Ե.
Կարդացեք նաև
Հ. Գ. Ռոբը՝ ՀԿԿ կենտկոմի լրատվության ղեկավար Ռոբերտ Ահարոնյանն է եւ ձեր իմացած Ռոբի հետ կապ չունի։
