Թիվ 17 ընտրատարածքի տեղամասային հանձնաժողովներում իրենց տեղերը ՀՀՇ-ն ու «Շամիրամը» տվել են պատգամավորության թեկնածու, անկուսակցական Ռաֆիկ Պետրոսյանին, իսկ «Հզոր հայրենիքն» ու «Միասնությունը», որոնք այս ընտրատարածքում նույնպես թեկնածուներ չունեն՝ անկուսակցական Ռոմիկ Բալոյանին։
ՆԱԽԸՆՏՐԱԿԱՆ ՈՒՂՂԱԳՐՈՒԹՅՈՒՆ
Թիվ 59 ընտրատարածքի վրա, ինչպես ժողովուրդն է ասում՝ գալովի է։ Մի քանի օր առաջ ձորաղբյուրցի թեկնածու Վրեժ Շահգելդյանի նախընտրական բուկլետում դարձած բառը դարձել էր դարձաց, իսկ այսօր բացառիկ գրագիտություն է ցուցաբերել նույն տարածքում քվեարկվող Կոտայքի մարզպետարանի կրթության վարչության պետ Գագիկ Մանասյանը։ Ներկայացնում ենք նոր ուղղագրությամբ գրված բառերը՝ Վահագ, Ղազարյա, Դանելիան, Շահաբազյան, Սերյուժա, Եղազարյան, Ձուրաղբյուրում, երաշխավորղը եւ այլն։ Այսքանով հանդերձ, Գագիկ Մանասյանը հայտարարել է, որ ԱԺ-ում ձգտելու է կրթության եւ գիտության հանձնաժողովի նախագահ դառնալ։
Կարդացեք նաև
ՌԱՄԿԱՎԱՐՆԵՐԸ ՋՐՈՒՄ ԵՆ
Երեկ Թեքեյան մշակութային կենտրոնում տեղի ունեցավ Ռամկավար Ազատական կուսակցության մամլո ասուլիսը, որը նվիրված էր Հայաստանի ջրային պաշարների արդյունավետ օգտագործմանն ուղղված «Հայկական նախագիծ»-ի քննարկմանը: Հարություն Առաքելյանը, որը բացեց հանդիպումը, ասաց, որ այս նախագիծը բացասական արձագանքներ դեռ չի ստացել եւ օրեցօր զարգանում է: Նա բողոքեց, որ լրագրողների մեծ մասը բանասեր է եւ այդ պատճառով աղավաղում է ինֆորմացիան՝ հատկապես թվերը: Լսելով այս ահեղ նախազգուշացումը, լրագրողները սկսեցին բարեխղճորեն գրի առնել ամեն ինչ:
