ԼԴԿ կուսակցության ամենհինգշաբաթյա հանդիպումներն ապարդյուն չէին։ Հիմնականում դրանց մասնակից քաղաքական ուժերն ու գործիչները միաբանվելով այժմ ստեղծում են մի նոր հասարակական կազմակերպություն։ Ըստ ամենայնի, այն կգլխավորի Բաբկեն Արարքցյանը, որն «Առավոտի» հարցին ի պատասխան ասաց, թե այն կոչվելու է «Ժողովրդավարության եւ հասարակության զարգացմանը նպաստող հասարակական կազմակերպություն»։ Անվանումը վերջնական չէ եւ այլ հարցերի հետ միասին կճշտվի ուրբաթ, այս կազմակերպության հիմնադիր ժողովի ժամանակ։
ԿԸՀ-Ը՝ ԴԱՏԱՐԱՆՈՒՄ։ ԱՐԴԵ՞Ն
Կոմկուսը, ԱԺՄ-ն եւ Դաշնակցությունը որոշել էին միահամուռ ուժերով ստուգել ընտրողների ցուցակները, սակայն գործընթացի կեսից ԿԸՀ-ն որոշում կայացրեց ժամանակավոր բնակվողներին ընտրացուցակներում ընդգրկելու մասին։ Այս որոշման կայացման համար ԱԺՄ-ից ԿԸՀ-ի անդամ Վահե Վարսանյանը դատի է տվել ԿԸՀ-ին։
Կարդացեք նաև
ՀՕԳՈՒՏ ԽՈՍՐՈՎԻ
Թիվ 11 ընտրատարածքում տեղամասային հանձնաժողովի 13 անդամներից 7-ն աշխատելու են այս տարածքում առաջադրված Խոսրով Հարությունյանի օգտին։ Դրանք են կառավարության երեք ներկայացուցիչները, «Օրինաց երկիրը», «Հզոր հայրենիքը», «Միասնությունը» եւ ԱԻՄ-ը։
65 ՏԵՂ «ՄԻԱՍՆՈՒԹՅԱՆԸ»
«Հանրապետություն» միավորման խորհրդարանական խմբակցության նախագահ Բաբկեն Արարքցյանը խոստացել էր, որ ընտրություններից 15 օր առաջ կհրապարակի հաջորդ ԱԺ-ի անվանական ցանկը։ Այս հարցով «Առավոտի» հետաքրքրությանը նա պատասխանեց. «Համամասնական կարգով «Միասնությունը» կստանա 30-32 տեղ, իսկ նրա ընդհանուր տեղերի քանակը խորհրդարանում մոտ կլինի 60-65-ին»։
