Երեկ «ԱԻՄ+» դաշինքի ներկայացուցիչ Սուսաննա Գրիգորյանն իր հեռուստաելույթը եզրափակեց մի նախազգուշացմամբ, թե ում եւ որ կուսակցությանը չի կարելի ձայն տալ։ ԻՄ կուսակցության անդամի ակնարկը խիստ թափանցիկ էր եւ ակնհայտորեն «Իրավունք եւ միաբանություն» դաշինքին էր վերաբերում։ Հայտարարվեց, թե չի կարելի ձայն տալ «նրանց, ովքեր խորհրդարան են ուզում մտնել Արցախի պաշտպանության, Արցախում ծառայող հայ զինվորի մի կտոր հացի հաշվին ու մաքուր ձեռքերից են ճամարտակում»։
ՀԱԿԱՔԱՐՈԶՉՈՒԹՅՈՒՆ-2
ՀՌԱԿ փոխատենապետ Հարություն Առաքելյանն իր հեռուստաելույթում երկար-բարակ խոսեց ընդդեմ տեղացիներին (թերեւս, ջավախքցիներին՝ «Հզոր հայրենիք» եւ գյումրեցիներին՝ «Առաքելություն») միավորող կուսակցությունների եւ «կանխատեսեց», որ շուտով կստեղծվեն «կույրաղիք հեռացրածների, զոքանչների կամ փեսաների կուսակցություններ»։
Կարդացեք նաև
ԽԻՍՏ ՀԱՐԳԵԼԻ, ԲԱՅՑ ՕՐԻՆԱԽԱԽՏ ՔԱՐՈԶԻՉՆԵՐ
«Ընտրական օրենսգրքի» 18-րդ հոդվածի 4-րդ կետի համաձայն՝ օտարերկրյա քաղաքացիներին արգելվում է նախընտրական քարոզչություն կատարել։ Խախտելով այս դրույթը, «Իրավունք եւ միաբանությունն» իր քարոզարշավում ընդգրկել էր Կիմ Բակշիին, իսկ ՀՌԱԿ-ը՝ Հակոբ Ավետիքյանին, որն առայժմ Հայաստանի քաղաքացի չէ, ցավոք։ Ի դեպ, նույնը վերաբերում է նաեւ ՀՅԴ նախընտրական շտաբի ղեկավար Հրանտ Մարգարյանին, որն Իրանի քաղաքացի է։
ԻԳԻԹԻ ՊԱՏԱՍԽԱՆԸ
Ի պատասխան «Ջերմային տնտեսություն» ՊՓԲԸ գործադիր տնօրեն Յու. Թոխունցի «Առավոտին» հղած նամակի՝ պատգամավոր Հովհաննես Իգիթյանը կոչ է արել Ավանի թաղամասի բնակիչներին՝ շարունակել վճարել 1998-99 թթ. ձմեռվա ջեռուցման համար նախատեսված սակագնի 50%-ը։ Կարդացեք էջ 11։
