«Թիվ 75 ընտրատարածքում ես՝ Սամվել Խաչիկյանս, գրանցված եմ ԱԺ պատգամավորության թեկնածու։ Նույն ընտրատարածքում առաջադրված է նաեւ իմ համագյուղացի Վանո Սիրադեղյանը։ Հաշվի առնելով նրա երկարամյա քաղաքական աշխատանքի փորձը, անձամբ ճանաչելով նրան, գնահատելով նրա հնարավորությունները թե՛ ընտրողների, թե՛ հանրապետության առջեւ ծառացած խնդիրների լուծման գործում, նպատակահարմար եմ համարում հանել իմ թեկնածությունը եւ իմ ընտրողներին կոչ եմ անում քվեարկել Վանո Սիրադեղյանի օգտին։ Հնարավոր է, որ հայտարարությունս դառնա շահարկումների նյութ, բայց վստահեցնում եմ, որ սա իմ անձնական նախաձեռնությունն է»։
ՎԱՏ ԼՈՒՐ
Օրերս Հրազդանի շրջանի Քաղսի գյուղի թիվ 55 ընտրատարածքում տեղի ունեցավ հանդիպում մեծամասնական ցուցակով ընտրվող թեկնածուների հետ։ Թեկնածուներից մեկին՝ ԱԺ պատգամավոր Անդրանիկ Մանուկյանին (Սերվիսի Անդո), հարց տրվեց իր եւ Վանո Սիրադեղյանի համատեղ ավտոմոբիլային բիզնեսի մասին։ Այդ հարցը չափազանց վրդովեցրեց Անդոյին եւ իր շրջապատին, որոնք մի կողմ քաշեցին սույն տհաճ թեման բարձրացրած Հրազդանի կոմկուսի քարտուղար Վանիկ Ռաֆայելյանին եւ նրա նկատմամբ բռնություն կիրառեցին։ Առանձնապես աչքի ընկավ Սերվիսի Անդոյի եղբայրը՝ Ռուբիկը։
Կարդացեք նաև
Այդ լուրը «Առավոտին» հաղորդած Կոմկուսի ներկայացուցիչները հայտնում են նաեւ, որ փաստի կապակցությամբ քրեական գործ է հարուցված, իսկ Կոմկուսը համապատասխան հայցով դիմել է մարզային ընտրական հանձնաժողովին։
