-Մենք տեսնում ենք, թե հայերն ինչ հաջողությունների են հասել արտասահմանում,- «Առավոտին» ասաց Եվրախորհրդում Հայաստանի հարցով զեկուցող, իտալացի պատգամավոր Դեմիտրեո Վոլչիչը։
-Մենք էլ նույնը իտալացիների մոտ ենք տեսնում,- եղավ պատասխանը։
-Չէ, ձերոնք արտասահմանում միլիոնատերեր դարձան, իսկ մերոնք մաֆիոզիներ,- եզրափակեց հանրաճանաչ իտալացին։
ԻՆՏԵԼԵԿՏՈՒԱԼՆԵՐԻ ՔԱՐՈԶԱՐՇԱՎ
Կարդացեք նաև
Մեր ունեցած հավաստի տեղեկությունների համաձայն Նոր Հաճընի 56 ընտրատարածքում կրքերը հատկապես շիկանում են այն ժամանակ, երբ «քարոզարշավ»-գործին խառնվում են, մասնավորապես, երկու տնօրենները. ալրաղացի Աղասի Սիմոնյանն ու ձեթօճառի Գեւորգ Ազիզյանը։ Մի քանի օր առաջ տեղի է ունեցել բախում։ Կողմերից յուրաքանչյուրը պահանջում էր հանել մյուս կողմի թեկնածությունը։ Բախման եւ ձեռնամարտի մասին կարծես լռում են, սակայն տնօրենների թիմակիցների բախման արդյունքում ձերբակալվել է չորս մարդ։
Մայրաքաղաքից որպես «դիտորդ» կռվին մասնակցել են Գ. Ազիզյանի եղբայրը՝ Նապոլեոնը եւ Ավետը։
ԼՐԱԳՐՈՒԹՅԱՆ ՍԱԽԱՐՈՎԸ
«Աղասի Արշակյանն էլ էր հրաժեշտի հայտարարություններ եւ ասուլիսներ անում»,- որպես լրագրող Տիգրան Հակոբյանի վերջին խոսքն ունկնդրելուց հետո հիշեցրեց «Առավոտի» թղթակիցը։ «Նման համեմատություններից ես իսկապես վիրավորվում եմ,- վրդովվեց Տիգրան Հակոբյանը,- Աղասի Արշակյանն, իհարկե, կարող է պահանջել, որ Վանոյին նստացնեն, վառեն եւ այլն։ Իհարկե, նա իրավունք ունի Վանոյից տուժած անձանց պաշտպանության կոմիտե ստեղծելու։ Բայց մամուլը չի գրում, որ նա որեւէ իրավունք չունի այդ գործի համար օգտագործել Սախարովի անունը։ Ընդհանրապես, մամուլը սկսել է ամեն ինչի մասին ձայնը կտրել»։
Թե էլ ինչի մասին չի գրում մամուլը՝ կարդացեք 4-րդ էջում։
