Հայերենի նոր ուղղագրություն է սահմանել թիվ 60 ընտրատարածքում Ազգային ժողովի պատգամավորության թեկնածու Վրեժ Շահգելդյանը։ Նրա բուկլետում գրված է՝ «… հողի տերը դարձաց հայ գյուղացին»։ Առաջարկում ենք ռեբուս, թե ինչ նկատառումներով է պրն Շահգելդյանի մոտ դարձածը դարձել դարձաց։
«ԱԶԱՏՈՒԹՅՈՒՆ» ՏՎԵՑԻ
Կարդացեք նաև
Վերջին օրերին բոլոր նրանք, ովքեր հայտնվում են «Ազատություն» կուսակցության գրասենյակում, դուրս գալուց առաջ անպայմանորեն մի կապ բուկլետ են ստանում։ Տպավորություն է ստեղծվել, թե բագրատյանականներն իրենք կրակն են ընկել սեփական բուկլետների ձեռքը եւ այլեւս այն ոչ թե բաժանում են, այլ՝ պարզապես «նաղդում» մարդկանց վրա։
ՀԱՇՎԻ ՄԵՋ ՆԵՐԱՌՎԱ՞Ծ Է
«Պիցցա Հ.Ա.Թ.» սրճարանում հաշվի հետ միասին հաճախորդներին են տալիս նաեւ «Միասնություն» դաշինքի նախընտրական ծրագրի հիմնադրույթները պարունակող բուկլետը։
ՈՒԶՈՒՄ ԵՆ ԳԵՎՈՐԻԿԻՆ ԶՍՊԵՆ
Գեւորգ Մելքոնյանը կամ ՀՀՇ-ի Գեւորիկը պնդում է, որ ուրբաթ օրն իրեն դատախազություն են տարել եւ հարվածներ տեղացել «Աղվան, դավաճան» վանկարկումների համար, որ նա արել էր ի պաշտպանություն Վանո Սիրադեղյանի ցույցում։ Գեւորիկից նաեւ պահանջել են, որ նա այլեւս ցույցերի չմասնակցի։
ԲՈԼՈՐԸ ՀԵՌԱՑԵԼ ԵՆ ԸՆՏՐՈՒԹՅՈՒՆՆԵՐԻ՞
ԱԺ հերթական նիստը երեկ չկայացավ։ Անգամ սահմանված 3-ժամյա սպասման ավարտին՝ ժամը 17.30-ին ընդամենը 73 պատգամավոր էր գրանցվել։ Մինչդեռ հարկավոր էր 96-ի ներկայությունը։ Հիշեցնենք, որ սա այս խորհրդարանի նախավերջին եռօրյա նիստն է։
