«Երկիր» օրաթերթի գլխավոր խմբագիր Շաղիկ Մարուխյանը մտադիր է իր յուրաքանչյուր զույգ լրագրողին մեկական համակարգիչ հատկացնել։ Չնայած այս պայմաններին, աշխատանքը «Երկիրում» չի շարունակելու եւ «Ազգ» է վերադառնալու լրագրող Լիլիթ Պողոսյանը։
«Երկիր» օրաթերթի նոր խմբագրի հետ հարցազրույցը՝ վաղվա համարում։
ԲԱ՛
Կարդացեք նաև
Մի քանի օր առաջ «Առավոտն» անդրադարձել էր 74-րդ ընտրատարածքում պատգամավորության թեկնածու առաջադրված Արամազդ Զաքարյանի նախընտրական կարգախոսին՝ «Հայրենիքը ախոռ չէ, որտեղ միայն պետք է ուտել»։ Այսօր թեկնածուի մասին «Առավոտը» նոր լուր ունի. երբ նրա մրցակից, ԱԺ պատգամավոր Վարդան Պետրոսյանին հարց տրվեց՝ Արամազդը կրո՞ւմ է, վերջինս հարցին հարցով պատասխանեց՝ ջո՞ւր։
ՄԱՆՐԱՄԱՍՆ
«Առավոտի» ունեցած տեղեկություններով, Սյունիքում դանակահարված թիվ 68 ընտրատարածքի պատգամավորության թեկնածու Արթուր Հարությունյանը ԼՂՀ պաշտպանության նախարար Սամվել Բաբայանի հովանավորյալներից էր։
ՇՐՋԱՆԱԿՆԵՐՈՒՄ
Երեկ հեռուստատեսությամբ Արշակ Սադոյանը հայտարարեց, թե Խոսրով Հարությունյանի ներկայացուցիչները տներն են շրջում եւ պահանջում անձնագրի տվյալներ տալ եւ ստորագրությամբ հավաստիացնել, որ քվեարկելու են Խոսրով Հարությունյանի օգտին։ Այս հայտարարությունը մեկնաբանելու «Առավոտի» խնդրանքին ի պատասխան ԱԺ նախագահի խորհրդական Վահագն Մկրտչյանն առայժմ միայն ասաց. «Խոսրով Հարությունյանի՝ որպես պատգամավորության թեկնածուի գործունեությունը տեղավորվում է «ՀՀ ընտրական օրենսգրքի» շրջանակներում»։
