«Նոր ուղին» լիբերալ-դեմոկրատական ուժերին քաղաքացիական համաձայնության կոչ է արել՝ ի պաշտպանություն 3-րդ հանրապետության։ «Հայտարարենք համաներում՝ իրար ներենք փոխադարձ վիրավորանքի, անվստահության ու կասկածների համար, որ անցած 7 տարիների ընթացքում, ցավոք սրտի, եղել են, եւ սա մենք շատ դժվար ենք հաղթահարում»,- կուսակցության քաղաքական բանաձեւում նաեւ գործիչներին հավակնությունները հաղթահարելու, մեղմելու կոչ է արված նույն նպատակով։ Եվ երրորդը. «Այսօրվա վիճակի համար յուրաքանչյուրս գլխավոր մեղավոր պիտի ճանաչի ու հայտարարի ինքն իրեն»։
ՎԱՏ ԼՈՒՐ
«Ցավով եմ նշում, բայց համոզված եմ, որ նախընտրական փուլում բոլոր ոգեւորվողները հունիսից մինչեւ սեպտեմբեր՝ խորը հիասթափություն են ապրելու, որ մեկ անգամ եւս խաբվեցին,- ընտրություններին մասնակցող «Ազատություն» կուսակցության համագումարում հայտարարեց ԼԴԿ նախագահ Վիգեն Խաչատրյանը։- Ոչ մի նորմալ ուժ, որ մասնակցում է այս ընտրություններին, հաջողության չի հասնելու»։
Կարդացեք նաև
Մնում է պարզապես որոշել՝ կա՞ արդյոք Հայաստանում որեւէ նորմալ ուժ՝ անկախ նրանից՝ մասնակցո՞ւմ է այն խորհրդարանական ընտրություններին, թե՞ ոչ։
