Սույն թվականի ապրիլի 21-ի երեկոյան կողմ անկախ դիտորդները տեսել են, թե ինչպես կառավարական համարանիշերով բաց մկնագույն «Գազ -31»-ից իջավ անկախ սոցիոլոգ Լյուդմիլա Հարությունյանը եւ միայն երրորդ փորձից կարողացավ մուտք գործել Կառավարություն։ Բանն այն է, որ հարգարժան սոցիոլոգը սկզբում փորձեց բացել երկու փակ դռները եւ միայն երրորդ փորձով նրան հաջողվեց հայտնաբերել բաց եւ ճիշտ դուռը։ Հուսով ենք, որ այլեւս եւ մեկընդմիշտ չի շփոթվի։
ՎԱՏ ԼՈՒՐ
Այսօրվա համարի 5-րդ էջում նախատեսված էր մեր թղթակից Արմեն Զաքարյանի ծավալուն հարցազրույցը ՀԺԿ նախագահ Կարեն Դեմիրճյանի հետ։ Սակայն ցուցաբերելով բրեժնեւյան «զորակոչի» կուսակցական նոմենկլատուրային հատուկ, մեղմ ասած, զգուշավորությունը, պրն Դեմիրճյանը հրաժարվեց հրապարակել արդեն իսկ ձայնագրված եւ վերծանած տեքստը։ Որքան էլ ժողովուրդը երկրպագի, գառ մորթի եւ փեշ համբուրի, նման գործելաոճով ժամանակակից քաղաքականության մեջ հաջողության հասնելն, ի վերջո, անհնար է։
