Երեկ «Առավոտի» խմբագրություն եկավ Եղվարդի համակցված կերերի գործարանի տնօրեն, ԱԺ պատգամավոր Աղասի Սիմոնյանը եւ հայտնեց, որ առաջիկա ընտրություններում իրեն չի հովանավորում ոչ Վազգեն Սարգսյանը, ոչ էլ որեւէ այլ պաշտոնյա։ Մեկ այլ պատգամավոր եւ թեկնածու՝ Վազգեն Պողոսյանը, նամակով դիմել է մեր թերթին, խնդրելով ճշգրտորեն նշել «Առավոտին» լուր հաղորդած ոմն Գեղարքունիքի մարզի բնակիչ Սամվել Վարդանյանի հասցեն։
ՑԱՆԿԱԼԻ, ԲԱՅՑ ՉԿԱՅԱՑԱԾ
Կարդացեք նաև
Հանրապետական կուսակցության նախագահ Անդրանիկ Մարգարյանն օրերս ասել է, թե. «Դաշինքը կոչվեց «Միասնություն», որն, ըստ էության. հզոր քաղաքական դեմքերի՝ Քոչարյանի, Սարգսյանի եւ Դեմիրճյանի գաղափարական համակիրների միասնություն է»։ Նշանակո՞ւմ է, դա արդյոք, թե «Միասնություն» դաշինքի մասին որոշումը վերոնշյալ երեք անձինք են կայացրել։ Անդրանիկ Մարգարյանն «Առավոտի» հարցին ժխտողաբար անդրադարձավ, ասելով, թե պարզապես իր ցանկությունն է հայտնել։
ԻՐՈՔ, ԱՅԴՊԵՍ Է
Ապրիլի 20-ին Արմեն Վալեսյանը դեռ չգիտեր, որ ինքը նշանակվելու է «Ժամանակ» օրաթերթի խմբագիր։ Սակայն Հանրապետական կուսակցության նախագահ Անդրանիկ Մարգարյանը հաստատեց, որ, այո, «Ժամանակի» խմբագիր է նշանակվել Արմեն Վալեսյանը։
ԴՈԴԻ ԳԱԳՈ ԵՎ «ՇԱՐՄ» ԴԱՇԻՆՔ
Պարզվում է, որ օրերս անդադար գովազդվող «Տորնադո» դիսկոտեկի տերը «Կոտայք» գարեջրի բաժնետեր հանրահռչակ Դոդի Գագոն է։ Իսկ «Տորնադոն» գովազդում է «Շարմը», որովհետեւ «Շարմը» այսուհետ զբաղվելու է նաեւ այդ դիսկոտեկի գեղարվեստական մասով։
