Իր վերջին հայտարարության մեջ ԼՂՀ պաշտպանության նախարար Սամվել Բաբայանը պնդել էր, թե այսօրվա Հայաստանում արդարությունը տկար եւ անօգնական է եւ, իր հաստատ համոզմամբ, «Իրավունք եւ միաբանություն» դաշինքն է պաշտպան կանգնելու դրան։
«Առավոտը» խնդրեց նախագահի մամուլի քարտուղար Վահե Գաբրիելյանին պարզաբանել, թե արդյոք Ռոբերտ Քոչարյանը եւս համաձայն է, որ արդարությունն իր ղեկավարած երկրում տկար ու անօգնական է։ Հետեւեց այս պատասխանը. «Մենք ողջունում ենք բոլոր նրանց մասնակցությունը Հայաստանում օրինականության եւ ժողովրդավարության ամրապնդման գործընթացին, ովքեր նման ջանքեր գործադրելու պատրաստակամություն են հայտնել»։
ԱՆՀՆԱՐԻՆՆ ԱԿՆՀԱՅՏ
Կարդացեք նաև
Չի բացառվում, որ ԱԺ ընտրություններից առաջ ժողովրդին ցնցելու ՀՅԴ ցանկությունն այնքան մեծ լինի, որ քարոզարշավը սկսի սենսացիոն քայլով՝ փոխելով կուսակցության «Մահ կամ ազատություն» հարյուրամյա կարգախոսը։ Դաշնակցական գաղտնապահ գործունեությանը հավատարիմ՝ նոր կարգախոսի բովանդակությունը առայժմ չի բացահայտվում։ Անկախ վերլուծաբանների կարծիքով, հնարավոր երկու տարբերակ կա. «Մահ կամ իշխանություն» (այս տարբերակի օգտին կպնդեն իշխանություն ստանալու վերաբերյալ կասկածներ ունեցող դաշնակցականները) եւ «Մահ կամ գինի լից» (անխուսափելի հաղթանակը նշել շտապող դաշնակցականների պնդմամբ)։
ՎԱՐՔ ՍՐԲՈՑ
Չնայած Հռոմի Պապը միայն հուլիսին է Հայաստան ժամանելու, բայց արդեն ապրիլի 17-ին կառավարության նիստում վարչապետ Արմեն Դարբինյանը հավաքված հոգեւորականներին է նաեւ հանգամանալից ու երկար-բարակ հրահանգներ տվել, թե ով ինչ պիտի անի, ում դիմավորի եւ այլն։ Ըստ ամենայնի, սույնով պրն Դարբինյանը նաեւ ցանկացել է հոգեւորաց դասի մոտ էլ ցրել իր հնարավոր պաշտոնանկության վերաբերյալ համոզվածությունը։
