«Շատ միամիտ պիտի լինեին ենթադրելու համար, որ Արշակ Սադոյանի բերանը կարող են պաշտոնով փակել»,- վարչապետի եւ էներգետիկայի նախարարի առաջարկների առնչությամբ ճեպազրույցում հայտարարեց ԱԺՄ վարչության անդամ Շավարշ Քոչարյանը։ «Առավոտի» այն հարցին, թե իսկ ինչով կարելի է փակել, պատասխանեց. «Եթե նա մի բանում համոզված է՝ ոչ մի բանով, փորձ ունենք»։ Եվ խոստովանեց, որ Սադոյանի բերանը փակել չի հաջողվում նաեւ ԱԺՄ-ականներին։ Հետաքրքիր է, եղե՞լ է մի դեպք, երբ պրն Սադոյանը որեւէ բանում համոզված չէր։
ՎԱՏ ԼՈՒՐ
«Ինձ թվում է, որ Սամվել Բաբայանն ավելի մեծ անելիքներ ունի Ղարաբաղում եւ, ընդհանուր առմամբ, հարկ չկա այդքան մտահոգ լինեն Ղարաբաղի պաշտոնյաներն այստեղի ընտրությունների համար»,- ԱԺ «Երկրապահ» խմբի եւ ՀՀԿ խորհրդի անդամ Գալուստ Սահակյանի այս տեսակետը «Իրավունք եւ միաբանություն» դաշինքի վերաբերյալ, որ ազդարարվեց ճեպազրույցում, մեջբերում ենք բառացի, քանի որ այս գործիչն իր խոսքերից հրաժարվելու սովորություն ունի։ Եվ դա վատ է։
Կարդացեք նաև
Բացի այդ, մեզ թվում է, որ խորհրդարանական ընտրություններին չպիտի խառնվեն նաեւ Հայաստանի պաշտոնյաները։
