ՆԳՆ Հրշեջ վարչության ստուգումների համաձայն, Ալ. Սպենդիարյանի անվան օպերայի եւ բալետի ազգային թատրոնում ամիսներ առաջ բռնկված հրդեհի վնասները կազմել են 700.000 դրամ։ Ըստ մեր աղբյուրների, իրավապահ մարմինները ստիպել են, որպեսզի այդ գումարը Տիգրան Լեւոնյանը վճարի իր գրպանից։ Հետո էլ ասում են, թե մեր իրավապահ մարմինները խելոք չեն. կա՛մ նրանք տեղյակ էին Լեւոնյանի գրպանի պարունակությանը, կա՛մ խուսափում են պետբյուջեին վնասներ հասցնելուց։
ԴԵ ԶԱՐԿԵԼԸ ՀԻՄԻ ԴՈՒ ՏԵՍ
Թիվ 74 ընտրատարածքում քվեարկվող թեկնածու «Ագրոբանկի» Տավուշի մասնաճյուղի ղեկավար Գագիկ Մելիքյանն աշխատանքից ազատել է տվել իր մրցակից, ԱԺ պատգամավոր Վարդան Պետրոսյանի հորեղբորը։ Բանն այն է, որ Գագիկ Մելիքյանը Այգեպարի ծխախոտի ֆերմանտացիոն գործարանի բաժնետերերից է, որտեղ Վարդան Պետրոսյանի հորեղբայրը պահակ էր աշխատում։
Կարդացեք նաև
ԱՅՍՔԱՆ ՈՒՐԱԽ ԿՅԱՆՔԸ ՁԵՐ, ԸՆԿԵՐ ՎԱՀԱ՞ՆՆ Է ՏՎԵԼ
Դաշնակցական գործիչներից մեկն «Առավոտին» ասաց. «Հայտնի չէ, թե ինչով կավարտվեն ընտրությունները մեզ համար, բայց կսկսվեն դհոլ-զուռնով։ Ապրիլի 25-ին կամ 26-ին նախատեսում ենք մի հանդիսություն անցկացնել, որտեղ երաժշտություն կլինի»:
ՃԱԿԱՏԱԳԻՐ
Էլեկտրաէներգիայի սակագների իջեցմանը դեմ քվեարկելուց հետո քաղաքական շրջանակներում խոսակցություններ են պտտվում, թե Խոսրով Հարությունյանի համար կամ նոր Սահմանադրական դատարան կստեղծվի, կամ էլ՝ մի 8 ամիս հետո նա կդառնա ԱԺ նախագահ կամ վարչապետ Կարեն Դեմիրճյանի խորհրդականը։
