Երկու ականատեսներ վկայեցին, որ շաբաթ օրը, ցերեկվա ժամը 4-ի կողմերը, մի մուրացկանի հաջողվել է դեմ առ դեմ հանդիպել կառավարության շենքից դուրս եկող ՀՀ Սոցապ նախարար Գագիկ Եգանյանին եւ նրանից փող մուրալ։ Բայց, ավա՜ղ, մուրացկանի ջանքերն ապարդյուն են անցել, քանզի նա տեղյակ չի եղել, որ վերոհիշյալ արհեստավարժ պարոնը ի պաշտոնե պարտավոր է օգնել կարիքավորներին։
ՎԱՏ ԼՈՒՐ
Երեկ ԱԺ-ում քվեարկության դրվեց Ռուբեն Հակոբյանի օրենսդրական նախաձեռնությունը «Մայիսի 19-ը Թուրքիայի կողմից հույների ցեղասպանության հիշատակի օր հայտարարելու մասին»։ Դահլիճում ընդամենը 62 պատգամավոր էին ներկա, ուստի քվեարկությունը չկայացավ, եւ որոշումը չընդունվեց։ Նախընտրական փուլի կամ օրակարգի ծանրաբեռնվածության վերաբերյալ Խոսրով Հարությունյանի եւ Յուրի Բախշյանի պատճառաբանությունները բավական խոցելի էին։ Եվ այսպես, մեր ԱԺ ղեկավարների անշրջահայաց մոտեցման շնորհիվ (չարժեր քաղաքական նշանակություն ունեցող նման հարցը քվեարկության դնել քվորումի ակնհայտ բացակայության պայմաններում) ստացվեց, որ Հայաստանի խորհրդարանը չցանկացավ քննարկել Պոնտոսի հույների ցեղասպանությանն առնչվող խնդիրը։
Կարդացեք նաև
Եվ սա, ԱԺ պատվիրակության Ֆրանսիա այցից ընդամենը մեկ շաբաթ անց, որտեղ հայ պատգամավորները Սենատի իրենց գործընկերներին համոզում էին Հայոց ցեղասպանությունը ճանաչել։
