«Կարծում եմ, որ Սամվել Բաբայանը ավելի լուրջ մտահոգություններ ունի իր պոստում, քան Հայաստանի պառլամենտում պատգամավորներ ունենալն է եւ նրանց հովանավորելը»,- թե ինչ հիմնատեքստում այս հայտարարությունն արեց «Միասնություն» նախընտրական բլոկի համանախագահ, ՀԺԿ վարչության քարտուղար Արմեն Խաչատրյանը, կարող եք կարդալ «Առավոտի» հաջորդ համարում։
ՍԽԱԼ ՈՒՂՂՈՒԹՅԱՄԲ
Կոտայքի մարզում պատգամավորության թեկնածու առաջադրված նախկին արտգործնախարար Մարատ Ալեքսանյանը, որի եղբայրները տնօրինում են մարզի էլեկտրագազամատակարարման համակարգերը, ընտրողների հետ հանդիպման ժամանակ հայտարարել է, թե ոչ միայն կգազիֆիկացնի ընտրատարածքը, այլեւ կավարտի Հայաստան-Իրան գազամուղի շինարարությունը։
Կարդացեք նաև
Դիտորդների կարծիքով, թեկնածուն մոռացել է, որ Իրան տանող ճանապարհը Կոտայքի մարզով չի անցնում։
ԸՆՏՐԱՏԱՐԱԾՔԻ ԼԱՎԱԳՈՒՅՆ ԹԵԿՆԱԾՈՒՆ
Ինչպես «Առավոտին» ասաց «Հայրենիք» խմբի անդամ Սոս Գիմիշյանը, Վահան Հովհաննիսյանն այնպես է ներկայացրել, թե մյուս բոլոր թեկնածուների ամենալուրջ մրցակիցը Գեւորիկն է։ Եվ այս իրողությունից ելնելով էլ Սոս Գիմիշյանն իրեն ամենալուրջ մրցակից է համարում Գեւորիկին։
ՄԵԾ ԹԱՓՈՎ
Երեկվա դրությամբ պահանջվածից ավելի՝ 45 հազար ստորագրություններ է հավաքել ՀՀՇ կուսակցությունը։ Ստորագրություն հավաքողների ճշգրիտ թիվը հայտնի չէ, բայց ըստ ՀՀՇ-ի նախընտրական շտաբի՝ բավական թվով կամավորներ են ներգրավված այդ գործում։
