Ստեղծվել է Աշոտ Բլեյանի պաշտպանության հասարակական խորհուրդը։ Նրա տարածած հայտարարության մեջ ասված է. «Չկարողանալով ապահովել հանրապետության բնականոն զարգացումը, գործող վարչախումբը փորձում է առանձին անհատների նկատմամբ քաղաքական հետապնդումներով լիցքաթափել հասարակական լարվածությունը։ Ստեղծված է ընդհանուր մեղքի ֆոն, որի վրա առանձին մարդկանց դեմ ներկայացված են մեղադրանքներ, որոնք անհիմն են ու անօրինական եւ չեն բխում օրենքի օբյեկտիվ մեկնաբանությունից։ Դրանց հիմքում ներկա վարչախմբի պատվերն է, որը հլու-հնազանդ իրագործում է դատախազությունը»։
Հայտարարությունը ստորագրել են խորհրդի նախագահ, թիվ 61 դպրոցի տնօրեն Գեորգի Վանյանը, խորհրդի անդամներ պատգամավորներ Էդվարդ Եգորյանը, Դավիթ Շահնազարյանը, Շահեն Պետրոսյանը, նախկին ԱԳ նախարար Ալեքսանդր Արզումանյանը, լրագրողներ Նիկոլ Փաշինյանը, Ալվարդ Բարխուդարյանը
ՎԱՏ ԼՈՒՐ
Կարդացեք նաև
«Առավոտին» հղած նամակում Շենգավիթի թաղապետ, ՀՀԿ անդամ Մարտին Սարգսյանը հերքում է մեր թերթի այն լուրը, թե իրեն հանձնարարված է իր ընտրատարածքում պաշտպանել «Օրինաց երկրի» առաջնորդին։ «Որեւէ կուսակցությունից եւ ոչ մի ցուցում չեմ ստացել»,- գրում է թաղապետը։
Խմբագրությունում շատ կզարմանային, եթե պրն Սարգսյանը հանկարծ հաստատեր այդ լուրը։ Մեր թաղապետերն, իսկապես, շատ անկախ մարդիկ են, եւ, իսկապես, ոչ մի կուսակցությունից ցուցում չեն ստանում։ Բացի այն կուսակցություններից, որոնք համատեղության կարգով նաեւ գործադիր իշխանության մարմիններ են։ Բայց բոլոր դեպքերում փոքր-ինչ տարակուսելի է «Առավոտին» եւ նրա ընթերցողներին «շլանգի տեղ դնելու» ցանկությունը։
