ՀԿԿ-ն ակտիվորեն է իրեն դրսեւորում նախընտրական փուլում։ Կոմկուսի համամասնական ցուցակի համար պահանջվող 75 հազար ստորագրությունները գրեթե հավաքված են։ Սակայն Կոմկուսը մտադիր է իր իսկ հավաքած ստորագրությունները ստուգել, զննել եւ ճիշտն ու սխալը հասկանալ։ ՀԿԿ Կենտկոմի առաջին քարտուղար Սերգեյ Բադալյանը մի առիթով ասաց, թե ինքը պատվիրել է նախընտրական բոլոր աշխատանքները, այդ թվում նաեւ ստորագրահավաքը, անցկացնել առանց «ճկ»-ի։ Ընկեր Բադալյանի փաստարկը հետեւյալն էր. «Եթե նույնիսկ ոչ մեկինը չստուգեն, մերը կստուգեն»։ Հենց այս պատճառով էլ հավաքված 75 հազար ստորագրությունների 50%-ն արդեն ստուգված է։
Մեծամասնական ընտրակարգով ընտրություններին մասնակցելու հայտ ներկայացրած 20 կոմունիստներից մեկը՝ Ժիրայր Սահակյանը, ընտանեկան պայմանների պատճառով հնարավոր է՝ չմասնակցի ընտրություններին։ Իսկ մյուսներն արդեն ավարտել են ստորագրահավաքը։
Մ. Ե.
