ԱԺ պատգամավոր Արմեն Մարտիրոսյանը, որը վերջին մեկ տարվա ընթացքում գլխավորում է Եվրախորհուրդ մեկնող ՀՀ խորհրդարանական պատվիրակությունը, ասել էր, թե պետք է քվեարկվի այն նույն ընտրատարածքում, որտեղ մտադիր է ընտրվել էլի ԱԺ պատգամավոր Անդրանիկ Մանուկյանը։ Սակայն Արմեն Մարտիրոսյանը պատգամավորության թեկնածու չի առաջադրվել։ Այս առիթով նա ասաց, թե այդպես է վարվել, որովհետեւ ինքը պաշտոն է ստանալու գործադիր իշխանության մեջ։
«ԽՆԴՐԱՆՔՆԵՐԻՆ ՉԵՄ ԱՐՁԱԳԱՆՔՈՒՄ»
«Առավոտ» թերթում «Վատ լուր» խորագրի ներքո ընթերցողը տեղեկացվեց, որ Լեւոն Սարգսյանի (այսինքն իմ) անունից ալյուր է բաժանվում թիվ 4 ընտրատարածքի որոշ բնակիչների։ Պարզվում է նաեւ, որ գումարներ եւ կաթի փոշի եմ խոստացել իմ օգտին ամեն մի քվեարկողին։ Այո, ես «Երեւանի ալրաղաց գործարան» բաժնետիրական ընկերության փոխնախագահն եմ եւ բաժնետերերից մեկը։ Ես ալյուր եմ հատկացրել կարիքավորներին, երբ որ ներել են գործարանի եւ իմ հնարավորությունները։ Բայց արդեն մի քանի շաբաթ է, ինչ չեմ արձագանքում այդպիսի խնդրանքներին, որովհետեւ որոշել եմ մասնակցել ԱԺ ընտրություններին»,- գրում է մեր թերթին պրն Սարգսյանը։
Կարդացեք նաև
«ՄԻԱՍՆՈՒԹՅՈՒՆԸ» ՀԱՄԱՆԱԽԱԳԱՀՈՒԹՅԱՄԲ
Կազմավորվել է «Միասնություն» նախընտրական միավորման միասնական շտաբը։ Ու թեպետ, ապրիլի 8-ին դեռեւս շտաբի պետ չէր ընտրվել, սակայն խոսվում էր, որ այն կունենա համանախագահություն, որը կներկայացնեն մեկական ներկայացուցիչներ ՀԺԿ-ից եւ ՀՀԿ-ից։ Կհամանախագահեն Արմեն Խաչատրյանն ու Անդրանիկ Մարգարյանը։
