Նախագահի աշխատակազմի ղեկավար եւ Հայաստանի Հանրապետական կուսակցության խորհրդի անդամ Ալեքսան Հարությունյանը ՀՀԿ-ի եւ ՀԺԿ-ի «Միասնություն» դաշինքն անվանակոչել է ՆԱՏՕ-ի մի ծրագրի պես «Գործակցություն՝ հանուն խաղաղության»։
ՔԱՂԱՔԱԿԱՆ ԿԱՏԱԿՆԵՐ-2
Հայտնի լրագրողներից մեկը երկմտեց. «Որ Վազգեն Սարգսյանը պետհամալսարանում ասում էր. «Ուշադիր եղեք՝ այս տարի ամուսնանալու եմ»՝ կարո՞ղ է Դեմիրճյանին նկատի ուներ…»։
Կարդացեք նաև
ՔԱՂԱՔԱԿԱՆ ԿԱՏԱԿՆԵՐ-3
Հայաստանի բարձրաստիճան պաշտոնյաներից մեկն ամենայն լրջությամբ հայտարարեց, թե Դավիթաշենի համայնքապետ Ռուբիկ Գեւորգյանը Հայաստանի դեմոկրատական կուսակցություն է փոխադրվել, քանզի վերջինիս խորհրդանիշը՝ վարդը, նրան առավել սրտամոտ եւ հոգեհարազատ է։
ԼՐՋԱՆԱԼՈՒ ՊԱՀԸ-2
«Ազատ Հայք» ընտրական միավորի ղեկավար Ռուբեն Մնացականյանն «Առավոտին» ասաց, թե ընտրություններում իրենք կհավաքեն քվեների 8 տոկոսը, եթե դրանք արդար ընթացք ունենան։
«Առավոտը» լիովին համաձայն է «Ազատ Հայքի» տեսակետին, մեկ վերապահմամբ՝ 8-ից առաջ երկու զրո է պետք դնել, իսկ նրանց մեջտեղում՝ ստորակետ։
ԱՌԱՋ…
«Հզոր հայրենիք» կուսակցության ներկայացուցիչ Շիրակ Թովմասյանն «Առավոտին» ասաց, թե իրենց ստացած 800 պաշտոնաթերթիկից շուրջ 700-ն արդեն ձեռքի վրա է, եւ ստորագրություններ են հավաքվում։ Արդյունքները կամփոփվեն ապրիլի 12-ից հետո։
