Երեւանի թիվ 61 դպրոցը, որի տնօրեն Գեորգի Վանյանը «Նոր ուղի» կուսակցության փոխնախագահն է, երեկ հանդես էր եկել հայտարարությամբ։ Դրանում դպրոցն իր համերաշխությունն է հայտնում «Մխիթար Սեբաստացի» կրթահամալիրի իր գործընկերներին եւ, որպես բողոքի նշան, ապրիլի 2-ին հայտարարում մեկօրյա նախազգուշական գործադուլ։
Հայտարարության մեջ Աշոտ Բլեյանի դեմ հարուցված մեղադրանքները գնահատվում են որպես «երկրի քաղաքական, տնտեսական ճգնաժամային վիճակից ժողովրդի ուշադրությունը շեղելու հերթական փորձ»։ Իսկ օրինապահ մարմինները մեղադրվում են նրանում, որ «պատվեր են կատարում եւ քաղաքական հաշվեհարդար տեսնում ընդդիմադիր քաղաքական ուժերի հետ»։ Հայտարարության մեջ, բողոքելով դպրոցի ու ուսուցչի նկատմամբ պետական անտարբերությունից, նաեւ ասվում է, որ «ամենավատթարն այն է, որ շատ ու շատ տնօրեններ որպես պտուտակ օգտագործվելով գործադիր իշխանության կողմից, վերածվում են սոսկ աթոռից կառչած մորթապաշտների»։
ԳՐԱՔՆՆՈՒԹՅՈՒՆԸ ՊԱՌԼԱՄԵՆՏՈՒՄ
Կարդացեք նաև
Մարտի 31-ին Ազգային ժողովի փոխնախագահ Յուրի Բախշյանը կուսակցական ֆրակցիաների հետ անցկացրել է խորհրդակցություն եւ հայտնել, որ այսուհետ «Խորհրդարանական ժամ» հեռուստահաղորդման թեման պետք է որոշի ԱԺ նախագահությունը։ Տվյալ դեպքում պահանջ է դրվել, որպեսզի խմբերն ու խմբակցությունները խոսեն միայն խորհրդարանի միջազգային հարաբերությունների մասին։
Պառլամենտի խմբակցությունների մեծ մասը դրան տվել է միարժեք գնահատական՝ գրաքննություն։
