Վաղուց չի եղել այնպիսի իրավիճակ, որ Սահմանադրությամբ իշխանություն կրող բոլոր պետական ինստիտուտները ներկայացնողները հանրապետությունում չլինեն։ Ապրիլի 1-ին, օրինակ, Մոսկվայում էին նախագահ Քոչարյանն ու վարչապետ Դարբինյանը, իսկ ԱԺ նախագահ Խոսրով Հարությունյանը, պաշտպանության նախարար Վազգեն Սարգսյանը եւ նախագահի աշխատակազմի ղեկավար Ալեքսան Հարությունյանը Փարիզում էին։ Ավելացնենք, որ բավականին դժվարացած է կաթողիկոսի խոսելու ընդունակությունը։
ՀՀԿ-Ի ԵՎ «ՕՐԻՆԱՑ ԵՐԿՐԻ» ԱՆԽԱԽՏ ԴԱՇԻՆՔ
Հանրապետական կուսակցության ղեկավարությունը իր կուսակցության անդամ՝ Շենգավիթի թաղապետ Մարտին Սարգսյանին ցուցում է տվել իր ընտրատարածքում պաշտպանել «Օրինաց երկիր» կուսակցության նախագահ Արթուր Բաղդասարյանին։ Հանրապետական կուսակցությունն այստեղ իր թեկնածուն չի ունենա։
Կարդացեք նաև
ՂԱՐԱԲԱՂԸ ԿՈՍՈՎՈ ՉԷ
Հայաստանում ԱՄՆ դեսպան Մայքլ Լեմոնը հայտարարել է, թե որեւէ զուգահեռ չի կարելի անցկացնել Կոսովոյի եւ Ղարաբաղի միջեւ։ Դեսպանի վկայությամբ, դրանք չունեն որեւէ ընդհանուր բան, եւ այդ կարգի բոլոր խոսակցություններն ընդամենը ենթադրություններ են։
ԵՐՐՈՐԴ ՆԱԽԱԳԱՀՆ՝ ԸՍՏ ՎԻԿՏՈՐԻ
ԱԺ պատգամավոր Վիկտոր Դալլաքյանը, որը պատգամավորության թեկնածու է առաջադրվում թիվ 47 ընտրատարածքում, հայտարարել է, որ սեպտեմբերի 11-ին կասի, թե ով է լինելու Հայաստանի հաջորդ նախագահը։ Նա ասաց նաեւ, որ, իհարկե, Քոչարյանը բարեհաջող ավարտի կհասցնի իր պաշտոնավարման ժամկետը։
