Հայտնի է, որ ԱԺՄ վարչության անդամ Շավարշ Քոչարյանն ու ԱԺ նախագահ Խոսրով Հարությունյանը մտադրություն են հայտնել մրցակցել թիվ 11 ընտրատարածքում, որը Երեւանի կենտրոնում է։ Ըստ «Առավոտի» լուրերի, այդ ընտրատարածքում քվեարկվելու են նաեւ Ալվարդ Պետրոսյանը (ՀՅԴ) եւ Արտաշես Գեղամյանը։
Հաճելի է, երբ այդպիսի քանակով մտավորականներ հավաքվում են մեկ ընտրատարածքում։ Ընդ որում, ոչ ոք չի ձգտում հեշտ հաղթանակի հասնել հեռավոր Համզաչիմանում, բոլորի ուշքն ու միտքը Երեւանի կենտրոնն է։
ՎԱՏ ԼՈՒՐ
Խորհրդարանի դարպասների մոտ հավաքվածները, քանի որ սոցիալապես անապահով խավին էին հարում եւ, բնականաբար, դարպասները խորտակելու ուժ չունեին, ճիչերով առաջարկեցին դարպասների արդյունավետ գործածության այլ տարբերակ՝ չգրանցված պատգամավորներին դրանց վրա (կներեք- Լ. Ա.) «ցից հանել»։
Կարդացեք նաև
Ամենաակտիվը բալզակյան տարիքի մի կին էր, որը խոստացավ իր ձեռքերով նրանց «բզիկ-բզիկ» անել։ «Ի՜հ, խոսում ա, էլի՛»,- կողքից նկատեց տիկնոջ ամուսինը։
