Երեկ Աշոտ Բլեյանի բնակարանում իսկական ֆիլմային իրադրություն էր։ Գործը լսող դատավոր Ժ. Վարդանյանը, որը վերջերս իրեն «փայլուն» էր դրսեւորել ՆԳ եւ ԱԱ նախարարին «Օրագիր» օրաթերթից պաշտպանելու գործում, Բլեյանի գործը վարող քննչական խմբի ղեկավար, Երեւանի գլխավոր դատախազի օգնական Հովհաննես Պետրոսյանի միջնորդությամբ սանկցիա էր տվել Աշոտ Բլեյանի բնակարանում խուզարկություն անցկացնելու համար։
Մի շարք լրատվամիջոցներ, որոնք լուսաբանում են վերոնշյալ գործը, երեկ նույնպես ներկա էին եւ ուզում էին մասնակցել խուզարկության գործողությանը։ Սակայն պրն Պետրոսյանը, լրագրողներին անկողմնակալ որակելով, թույլ չէր տալիս մասնակցել։ Տանտերերը պնդում էին, թե լրագրողները պետք է անպայման մասնակցեն, քանի որ չի բացառվում, թե խուզարկողներն իրենց ձեռքով «կդնեն եւ կգտնեն» այն, ինչ փնտրում են։ Իսկ փնտրածները գումար էր եւ փաստաթղթեր։ Երկար բանակցություններից հետո տանտիրոջ խնդրանքով, լրագրողները հեռացան։ Խուզարկությունից հետո պարզվեց, որ Աշոտ Բլեյանի բնակարանում «խոշոր չափերի» գումար չկա, «գործին վերաբերող փաստաթղթեր»՝ նույնպես։
Մ. Ե.
