Մի քանի օր առաջ Ռոբերտ Քոչարյանը կոմունիստների հետ հանդիպման ժամանակ կարծիք է հայտնել, թե առաջիկա խորհրդարանական ընտրությունների արդյունքում Ազգային ժողովում մեծամասնություն կկազմեն ձախ, սոցիալիստական կողմնորոշման ուժերը։
ՉԻ ԼԻՆԻ
Ըստ որոշ տեղեկությունների, Եվրոպայի խորհրդում (Ստրասբուրգ) Հայաստանի ներկայացուցիչ դառնալու լուրջ հավակնություններ է դրսեւորում Քրիստիան Տեր-Ստեփանյանը, որը Հայաստանի քաղաքացի չէ։ Տեղյակ աղբյուրները պնդում են, որ նրան երբեք չի հաջողվի զբաղեցնել այդ պաշտոնը։
Կարդացեք նաև
ՄՀԵՐԻ ՀՈՒՅՍԸ
Էրեբունու տարածքից պատգամավոր ընտրված Մհեր Սեդրակյանը, որը հայտնի է Թոխմախի Մհեր անունով, լուր էր առել, թե իր ընտրատարածքում է առաջադրվելու ՀՅԴ ղեկավար Վահան Հովհաննիսյանը։ Նրա կարծիքով, դա իր համար շահավետ է, որովհետեւ ՀՀՇ-ի Գեւորիկը պայքարելով Վահան Հովհաննիսյանի դեմ՝ կխանգարի նրան ու ինքը կընտրվի պատգամավոր։
ԵԳՈՐՅԱՆԸ ԵՐԿՄՏՈՒՄ Է
Անդրադառնալով այն հայտարարություններին, թե աջ ուժերը պետք է բոյկոտեն խորհրդարանական ընտրությունները, «Ժողովրդավարական հայրենիք» կուսակցության եւ «Հայրենիք» պատգամավորական խմբակցության նախագահ Էդվարդ Եգորյանն «Առավոտին» ասաց, թե բոյկոտի հնարավորությունը չբացառելով հանդերձ՝ իրենք դեռեւս նման որոշում չեն ընդունել։ Ամեն ինչ կախված է առաջիկա ընթացքներից։ Եթե ոստիկանությունը կամ ՊՆ-ն ստորագրություններ հավաքեն իրենց նախընտրած կուսակցությունների օգտին, ապա Եգորյանի թիմը եւս կբոյկոտի ընտրությունները։
