«Լրագրողներ առանց սահմանի» միջազգային կազմակերպությունը դիմել է ՀՀ նախագահ Ռոբերտ Քոչարյանին հետեւյալ նամակով.
Պարոն նախագահ, մեզ մտահոգում են լրագրող Տիգրան Հայրապետյանի մահվան հանգամանքները։ Ըստ մեր տեղեկությունների՝ մարտի 9-ին, կեսգիշերին մոտ, Տիգրան Հայրապետյանը ավտոմեքենայի հարվածի զոհ է դարձել։ Ծանր վնասվածքներով նա հիվանդանոց է տարվել, որտեղ եւ մահացել է քիչ ժամանակ անց։
Տիգրան Հայրապետյանը 35 տարեկան էր, հայտնի լրագրող, Երեւանի ստրատեգիական հետազոտությունների Ազգային Կենտրոնի փոխտնօրեն։ «Նոր ուղի» թերթի խմբագիր էր, աշխատել էր «Ազգ», «Մոլորակ», «Օրագիր», «Առավոտ» օրաթերթերում, ինչպես Ազգային հեռուստատեսությունում որպես քաղաքական մեկնաբան։ Հայտնի է իր կրիտիկական դիրքորոշմամբ իշխանության նկատմամբ։
Տիգրան Հայրապետյանը ակտիվորեն աջակցել է ընդդիմության թեկնածու Աշոտ Բլեյանին, երբ նա իր թեկնածությունն էր առաջարկել 1998թ. նախագահական ընտրությունների ժամանակ։
Կարդացեք նաև
Բազմաթիվ հանգամանքներ մտածել են տալիս, որ դա դժբախտ պատահար չէր՝ լրագրողն ընկել է լայն եւ լուսավոր փողոցում, նա մայթին էր մոտ, դժբախտ պատահարի վայրում չկան հարվածի ոչ մի հետքեր, ինչը խոսում է այն մասին, որ վարորդը չի արել ոչինչ՝ զոհին բախվելուց խուսափելու համար։
«Լրագրողներ առանց սահմանի» միջազգային կազմակերպությունը դիմում է Ձեզ՝ լրագրողի մահվան հանգամանքները բացահայտելու համար։ Առաջարկում ենք այս քննությունը վերցնել Ձեր հսկողության տակ եւ, առանց հետաձգելու, լույս գցել գործի վրա։
Հարգանքներով՝ Գլխավոր քարտուղար
ՌՈԲԵՐ ՄԵՆԱՐ
