«Առավոտի» նախորդ համարում տպագրվել էր տեղեկատվություն Հանրապետական կուսակցության համամասնական ցուցակի վերաբերյալ։ Այդ կապակցությամբ Հանրապետական կուսակցության նախագահ Անդրանիկ Մարգարյանն ասաց հետեւյալը. «Այն, ինչ տպագրված է «Առավոտ» թերթում, չի համապատասխանում իրականությանը։ Դուք դրա մասին երեկ հարցրեցիք ինձ, ես պատասխանեցի՝ եթե դուք այդպիսի ցուցակ ունեք, խնդրում եմ, ինձ էլ փոխանցեք։ Դուք դա անձամբ տալու փոխարեն, տպագրել եք թերթում։ Մինչդեռ մենք չենք խոսել ցուցակի մասին եւ այսօր դա պատրաստ էլ չէ, որպեսզի հրապարակենք»։
ԲԱ՞Ն Է ՊԱՏԱՀԵԼ
Ըստ որոշ տեղեկությունների, նորից սրվել են հարաբերությունները Բժշկական համալսարանում։ Ռեկտոր Վիլեն Հակոբյանը պատրաստվում է մի խումբ կադրերի ազատել աշխատանքից։ «Առավոտի» լրատուն այն կարծիքին է, որ Բժշկականի ռեկտորը սովորաբար այդպես է վարվում, երբ իր դիրքերը թուլանում են։ Ըստ երեւույթին վրա է հասել նրա ազատվելու ժամանակը։
Կարդացեք նաև
ՆԱԽԱՊԵՍ ՉՀԱՋՈՂՎԱԾ ՓՈՐՁԵՐ
Տիգրան Հայրապետյանը «Առավոտի» մի թղթակցի եւս, ինչպես իր շատ այլ ծանոթների, մանրամասն պատմել էր, թե ինչպես են անցած տարվա աշնանը փորձել «գործ սարքել» իր վրա։ Իրավապահ մարմինները նրան բերման էին ենթարկել, մեկ օր պահել, եւ այդ ընթացքում նրան ներկայացրել էին 5 անձանց ցուցմունքներ, ըստ որոնց, ջազի փառատոնի փակման գիշերը Տիգրան Հայրապետյանն էր վիճաբանության մեջ մտնելով՝ լիճը հրել մի երիտասարդի, որը տեղում մահացել էր։ Երբ Տիգրան Հայրապետյանն ապացուցել է, որ այդ օրն ուրիշ վայրում է եղել, քննիչը հարցրել է. «Իսկ որտե՞ղ էիք դուք Աղվան Վարդանյանի եւ Արարատ Զուրաբյանի կռվի ժամանակ»։
