Ըստ որոշ լուրերի, պատգամավորության թեկնածու առաջադրվելու նպատակ ունի Հայաստանի նախկին վարչապետ, «Ազատություն» կուսակցության նախագահ Հրանտ Բագրատյանը։ Նա մտադիր է մրցակցել Արմավիրի մարզում, հավանաբար, այն հիմքով, որ տարածքի խաղողագործները գոհ լինելով «Պեռնո Ռիկարի» մթերումներից, կքվեարկեն իր օգտին։
ԳԵՐԵԶՄԱՆԱԳՈՂԵՐ
Քաղաքային պանթեոնում Սիփան Շիրազի շիրիմի վրայից գողացել են քարե առագաստը, որի վրա փորագրված էր նրա՝ առագաստին նվիրված բանաստեղծությունը։
Կարդացեք նաև
ՀԻՄԱ ԷԼ ԱՓՍԵՆԵՐԸ
Հետեւելով իր հայտնի ազգանվանակցի՝ ՍՊԻԴ-ի դեմ դեղամիջոցի վերաբերյալ աշխարհացունց հայտարարությանը՝ «Արմենիա» հեռուստաընկերությամբ մեկ այլ Սերժ Սարգսյան հայտարարեց Հայաստան թռչող ափսեների երթեւեկի մասին։
ԵՐՋԱՆԿՈՒԹՅԱՆ ԱՐՑՈՒՆՔՆԵՐ
Ըստ հավաստի տեղեկությունների, Երջանիկ Աբգարյանը եւս պատրաստվում է դուրս գալ ՀՀՇ վարչությունից։
ԻՍԿ ԴՈՒՔ ԱՐԴՅՈՔ Ե՞ՐԲ ԿԲԱՑԱՀԱՅՏՎԵՔ
Իր ինքնությունը բացահայտել չցանկացող մի դաշնակցական երեւի կատակեց, որ ՀՅԴ կուսակցական ցուցակները բացահայտվելու են ընտրություններից հետո միայն։
