Մշակույթի, սպորտի եւ երիտասարդության նախարարության ոլորտում մի նոր թափուր աշխատատեղ է ակնկալվում։ Խնկո-Ապոր անվան գրադարանի տնօրինուհու աթոռի հնարավոր «թափուրության» լուրերն արդեն տրոփել են տալիս այն զբաղեցնել ցանկացողների սրտիկները։ Ի դեպ, բոլոր հավակնորդները կանայք են։ Ընդ որում, խոսվում է, որ որպես գրադարանի տնօրեն մշակույթի նախարար Ռոլանդ Շառոյանը միայն իր քրոջն է պատկերացնում։ Ասում են նաեւ, որ ՀՀ վարչապետի տիկինն էլ դեմ չէ զբաղեցնելու այդ աթոռը։
Բանն այն է, որ գրադարանի ներկայիս տնօրեն Ռուզան Տոնոյանը մեկ ամսով արձակուրդ էր վերցրել եւ մեկնել ամուսնու՝ Վանո Սիրադեղյանի մոտ։ Քանի որ նրա Հայաստան գալը կախված է ամուսնու «բուժման ընթացքից», տիկին Տոնոյանը դիմում է հղել Ռոլանդ Շառոյանին՝ իր արձակուրդը երկարաձգելու խնդրանքով։ Նախարարության հավաստի աղբյուրներից տեղեկացանք, որ դիմումը բուն հասցեատիրոջը չի հասել, քանի որ դիմումում արձակուրդը երկարաձգելու իրավական որեւէ փաստարկ չկար։ Հաշվի առնելով, որ վերջերս աշխատանքից бесцеремонно ազատվեց Արամ Մանուկյանը, նախարարի ջենթլմենության հետ որոշակի հույսեր չենք կապում։ Եվ մեզ թույլ ենք տալիս ենթադրելու, որ Ռուզան Տոնոյանը աշխատանքից կազատվի ոչ թե իրավական հիմքից զուրկ դիմում ներկայացնելու, այլ ամենեւին ուրիշ պատճառներով։ Քանի որ գրադարանի կոլեկտիվն էլ դրսից որեւէ մեկին ընդունելու ցանկություն չի դրսեւորել, դժվար է ասել, թե ինչպես եւ ով կդառնա նոր տնօրեն։ Իսկ թե դաշնակցական նախարարի սկզբունքայնության դրսեւորումով որքան կբարձրանա ՀՅԴ-ի ռեյտինգը, որոշ ժամանակ անց կներկայացնի Ահարոն Ադիբեկյանը։
ԼԻԼԻԹ ԱՎԱԳՅԱՆ
