ԱՄՆ-ի Միչիգանի համալսարանը ընդունել է հայոց ցեղասպանությունը եւ հրաժարվել թուրքագիտական ամբիոն բացելու առաջարկից։ Սա որակվում է որպես տեղի հայ համայնքի հաջող լոբբինգի արդյունք։ Անշուշտ, Հայ դատի այս խոշոր նվաճումը Հայաստանի իշխանությունների հստակ արտաքին քաղաքականության արդյունք է եւ ՄԱԿ-ում նախագահ Քոչարյանի ելույթի արձագանք։ Վստահ ենք, որ այդ քայլով նոր զարկ է տրվելու հայ-միչիգանյան ռազմավարական դաշինքի ամրապնդմանը։
ՎԱՏ ԼՈՒՐ
Փետրվարի վերջին վարչապետ Արմեն Դարբինյանը ստորագրել է մի որոշում, ըստ որի Վանաձորի քիմիական մանրաթելերի գործարանի պետական բաժնեմասը միջազգային մրցույթով սեփականաշնորհելու համար կազմավորվել է նոր հանձնաժողով։ Նախագահն է արդյունաբերության նախարար Հայկ Գեւորգյանը։ Մյուս երեք անդամներն են՝ Էդվարդ Սանդոյանը, Պավել Ղալթախչյանը եւ Վահրամ Ավանեսյանը։
Կարդացեք նաև
Առանձնացնելով հիշյալ գործարանն ամբողջ համալիրից, կառավարությունը կտրուկ իջեցնում է գինը։ Հաջորդ Ազգային ժողովը անցյալում կատարված սեփականաշնորհման սխալների մասին խոսելու եւս մի նյութ ստացավ։
